அரசுக் கோயில் அர்ச்சகர் நியமனத்திற்காக வயது வரம்பு தளர்வு! அர்ச்சக மாணவர் சங்கத்தின் நீண்ட நாள் கோரிக்கை வெற்றி

   September 22, 2022 • Viduthalai

அர்ச்சகப் பயிற்சி பெற்ற மாணவர்கள் சங்கத் தலைவர் வா. ரெங்கநாதன் அறிக்கை

தந்தை பெரியாரால் தொடங்கப் பெற்று, கலைஞரால் சட்டமாக்கப்பட்டு, முதலமைச்சர் மு.க.ஸ்டாலின் அவர் களால் நடைமுறைப்படுத்தப்பட்ட அனைத்து இந்துக்களையும் அரசுக் கோயில்களில் அர்ச்சகராக்கும் வரலாற் றுப் பணியில் மற்றொரு மணிமகுடம் சூடப்பட்டுள்ளது.

முத்தமிழ் அறிஞர் கலைஞர் ஆட்சியான 2007-இல் அனைத்து ஜாதி அர்ச்சகர் திட்டத்தில் படித்து 207 மாணவர்கள் தீட்சை பெற்றோம்.ஆனால் பார்ப்பன அர்ச்சகர்கள் நீதிமன்றத்தில் பெற்ற  தடையால் கோயில்களில் பணிநியமனம் பெற இயலவில்லை.

அதன்பின் பல்வேறு சட்ட - களப் போராட்டங்கள் நடந்தாலும் அதிமுக ஆட்சியில் அர்ச்சகர் நியமனத்திற்கு எந்த முயற்சியும் செய்யவில்லை.அதன் பின் வந்த திமுக ஆட்சியில் முறையாகப் படித்து சான்றிதழ் பெற்ற பார்ப்பனர்கள் உட்பட  அனைத்து இந்துக்களுக்கும் பணிநியமனம் வழங்கப்பட்டது. ஆனால், அதிமுக ஆட்சி திட்டமிட்டு செய்த தாமதத்தினால் பணி நியமனத் திற்கான வயதினை பலரும் கடக்க நேரிட்டது. முறையான தகுதி இருந்தும், அதிமுக அரசின் தவறால் பணிநியமன வாய்ப்பு மறுக்கப்பட்ட எங்களுக்கு,  பணிநியமன வயது வரம்பை தளர்த்தி மீண்டும் வாய்ப்பு வழங்க தமிழ்நாடு முதலமைச் சரிடம் கோரிக்கை வைத்தோம்.

தந்தை பெரியார் நெஞ்சில் தைத்த முள்ளை அகற்றிய தமிழ்நாடு முதலமைச்சரும் எங்கள் கோரிக்கை வெறும் வேலை வாய்ப்பு மட்டுமல்ல , தமிழர்கள் மீது ஆரியம் சுமத்திய கருவறை தீண் டாமையை அகற்றும் அரியபணி என்பதை நன்கறிந்து, செப்.2,2022 அன்று அரசாணை எண் .219 மூலம் அர்ச்சக பணியாளர் பணிநியமன வயது வரம்பை தளர்த்தி உத்தர விட்டுள்ளார். இந்துக்களுக்கான கட்சி என்று பேசும் பா.ஜ.க போன்ற கட்சிகள் செய்யாததை, அனைத்து இந்துக் களையும் சமமாகக் கருதும் திராவிட முன்னேற்றக் கழகம் செய்கிறது.

அனைத்து ஜாதி அர்ச்சகர் நியமனம் சென்னை உயர்நீதிமன்ற தீர்ப்பின்மூலம் நெருக்கடிக்கு உள்ளான நிலையிலும் இறைவன் பணியில் சமத்துவத்தை நிலைநாட்டும் இந்த அரசாணையை எங்களது சங்கம் மனமார வரவேற்கிறது.

தமிழ்நாடு முதலமைச்சர் அறநிலை யத்துறை அமைச்சர், ஆணையருக்கு நன்றியை தெரிவித்துக் கொள்கிறது. அனைத்து இந்துக்களையும் அர்ச்சகராக நியமிக்கும் வரலாற்றுக் கடமையை தமிழ் நாடு முதலமைச்சர் தொடர வேண்டும், காவி சிந்தனை செல் வாக்கிலுள்ள நீதி மன்றங்களின் நெருக் கடிகளை  சட்டரீதியாக உடைத்தெறிய வேண்டும் எனக் கோருகிறோம்.

செப்டம்பர் 17 சமூகநீதி நாள்! தந்தை பெரியாரின் 144ஆவது பிறந்த நாளில் உறுதி ஏற்போம்!

*ஜாதித் தீண்டாமை ஒழிக!

*பெண்ணடிமைத்தனம் ஒழிக!

*ஆணாதிக்கம் ஒழிக!

*கருவறைத் தீண்டாமை ஒழிக!

*பார்ப்பனியக் கொடுங்கோன்மை ஒழிக!

அனைத்து மக்களுக்கும் சொந்தமான கோவில்களில் பார்ப்பனர்களைத் தவிர பிற ஜாதியினர்களை அர்ச்சகராக விடா மல் தடுக்கும் ஆகமம் மற்றும் மனுதர்ம ஜாதித் தீண்டாமைக்கு முடிவுகட்டுவோம்!

பெரியார் நெஞ்சில் தைத்த சனாதன முள்ளை நிரந்தரமாக அகற்றுவோம்!

கருவறையில் ஜனநாயகத்தை நிலை நாட்ட, பார்ப்பன பாசிச சக்திகளை முறி யடிப்போம்!

அர்ச்சக மாணவர்களே!

சனாதன கும்பல்களின் உருட்டல் மிரட்டல்களுக்கு அஞ்சாமல். தமிழ்நாடு அரசு, ஜனநாயக சக்திகள் மற்றும் உழைக்கும் மக்களின் துணையோடு இறுதிவரைப் போராடுவோம்! சமூகநீதி நாளான தந்தை பெரியார் பிறந்த நாளில் உறுதி ஏற்போம்!

தந்தை பெரியார் பிறந்த நாளில் கருவறை தீண்டாமையை முற்றிலும் அகற்ற தமிழ்நாட்டு மக்கள் உறுதியேற்க வேண்டும், அனைத்து கோயில்களிலும் தமிழ், தமிழர்கள் அர்ச்சனையை பொது மக்கள் கோர வேண்டும் என வேண்டிக் கொள்கிறோம்.

300 சட்ட நூல்கள்: தமிழாக்கம் செய்து சாதனை

  June 15, 2022 • Viduthalai

மதுரை, ஜூன் 15  உயர் நீதிமன்றத்தில் தமிழை வழக்காடு மொழியாக்கும் முயற்சிக்கு முன்னோடியாக 20 ஆண்டு களுக்கு முன்னரே தொடங்கிய பணி களால் மதுரையில் செயல்படும் ஏடிசி சட்ட நூல் மய்யம் 300 நூல்களை தமி ழாக்கம் செய்து வெளியிட்டு சாதித் துள்ளது.

உயர் நீதிமன்றத்தில் தமிழை வழக்காடு மொழியாக்க வேண்டும் என்ற கோரிக்கை நாளுக்குநாள் வலுப்பெற்று வருகிறது. உச்ச நீதிமன்ற தலைமை நீதிபதி பங்கேற்ற விழாவின்போது நேரடியாகவும், பிரத மருக்கு கடிதம் மூலமும் முதலமைச்சர் மு.க.ஸ்டாலின் இக்கோரிக்கையை வலியுறுத்தியுள்ளார்.

முதலமைச்சர் சுட்டிக்காட்டியபடி தமிழில் சட்ட நூல்ளை மொழியாக்கம் செய்யும் முயற்சியை மதுரையிலுள்ள ஏடிசி சட்ட நூல் மய்யம் 20 ஆண்டுகளுக்கு முன்னரே தொடங்கிவிட்டது. இதுவரை 300 நூல்கள் வரையில் இந்த மய்யம் பல்வேறு சட்ட நூல்களை தமிழில் மொழிமாற்றம் செய்து வெளியிட் டுள்ளது.

இது குறித்து ஏடிசி சட்ட நூல் மய்யத்தின் நிறுவனர் ஏடிசி.ராதாகிருஷ் ணன் கூறுகையில், ''2002ஆம் ஆண்டு புதுடில்லி சென்றபோது ஆங்கிலத்திலிருந்து இந்தியில் மொழிமாற்றம் செய்யப்பட்ட சட்டநூலை பார்த்தேன். இதுபோல் தமிழிலிலும் வெளியிட வேண்டும் என தீர்மானித்தேன். முப் பெரும் குற்றவியல் சட்டங்கள் என்ற நூலை தமிழில் 2002இல் வெளியிட் டோம். நூலின் இடது கை பக்கம் ஆங்கிலம், வலதுபக்கம் தமிழ் மொழி யாக்கம் என எளிமையாக அச்சிடப் பட்டிருந்தது. சிவகாசியிலுள்ள பிரிய தர்ஷினி அச்சகம் வெளியிட்ட இந்த நூல் பெரும் வரவேற்பை பெற்றதுடன் தமிழ் வளர்ச்சித்துறையின் பரிசையும் வென்றது.

வி.ஆர்.பூபாலன், ஞானகுருநாதன், கு.சாமிதுரை, எம்.அஜ்மல்கான், ஆர்.காந்தி உள்பட 20-க்கும் மேற்பட்ட வழக்குரைஞர்கள், ஓய்வுபெற்ற நீதிபதிகள் ஏடிசி நிறுவன ஆசிரியர் குழுவில் இணைந்து செயலாற்றுகின்றனர். 20 ஆண்டுகளில் மொழிமாற்ற நூல்கள் 200, இருமொழி பதிப்பாக 100 நூல்கள் என 300 புத்தகங்களை வெளியிட்டுள்ளோம். அனைத்திற்குமே நல்ல வரவேற்பு உள்ளது.

இவை சட்ட மாணவர்கள், கிராமப்புற மாணவர்கள், தமிழில் வாதிடும் வழக் குரைஞர்களுக்கு நல்ல பலனை அளித் துள்ளன. ஆங்கிலத்தை எளிதாக புரிந்து கொள்ளவும், ஆங்கில புலமையை வளர்க் கவும் இந்த நூல்கள் பயன்படுகின்றன. சட்ட நூல்கள் மொழிமாற்றத்தில் முதல மைச்சரின் ஆசை நிறைவேற மாநில சட்டத்துறையும், தமிழ்துறையும் இணைந்து செயல்பட வேண்டும். சிவில், குற்றவியல், வருவாய் என பல்வேறு துறைசார்ந்த சட்ட நூல்கள் பல ஆயிரம் உள்ளன. தமிழில் வெளியிடுவதற்கு சரி யான கட்டமைப்பும் உள்ளது'' என்றார்.

ஏடிசி நூல் ஆசிரியர் குழுவைச் சேர்ந்த உயர்நீதிமன்ற மதுரை கிளை அரசு வழக்குரைஞர் தங்க அரவிந்த் கூறுகையில், ‘உயர் நீதிமன்றம், உச்ச நீதிமன்ற தீர்ப்புகள் இருமாதத்திற்கு ஒருமுறை தீர்ப்பு திரட்டு என்ற பெயரில் தமிழில் இதழாக வெளியாகிறது. இதில் பயன்படுத்தும் வார்த்தைகளை மய்யப் படுத்தி சட்ட நூல்களை தமிழில் மொழி மாற்றம் செய்கிறோம்.

தமிழ் சொற்கள் குறித்து எந்த சந்தேகமும் எழாது. கடந்த 3 ஆண்டுகளில் மட்டும் 20 நூல்கள் வெளியிடப்பட் டுள்ளன. தற்போது 25 நூல்கள் வெளி யீட்டுக்கு தயாராக உள்ளன. சட்ட நூல் களை தமிழில் அனைவரிடமும் சேர்க்க வேண்டும் என்ற ஒரே நோக்கத்துடன் அர்ப்பணிப்பு உணர்வோடு பணி  யாற்றுகிறோம். தமிழ் வழக்காடு மொழி யானால் உயர் நீதிமன்றத்திற்கு மேலும் திறமையான பலநூறு வழக்குரைஞர்கள் கிடைப்பர்” என்றார்.

மதம் மாறுவது யாருக்குமுள்ள உரிமை - தடை செய்ய முடியாது! -டில்லி உயர்நீதிமன்றம்

  June 04, 2022 • Viduthalai

புதுடில்லி, ஜூன் 4 மதம் மாறு வது யாருக்குமுள்ள உரிமை - தடை செய்ய முடியாது என்று டில்லி உயர்நீதிமன்றம் தீர்ப் பளித்துள்ளது.

கட்டாயப்படுத்தப்படாத பட்சத்தில் மதம் மாறுவதற்கு சட்டப்படி தடை யில்லை என்று டில்லி உயர்நீதிமன்றம் தெரிவித் துள்ளது. 

பாஜகவைச் சேர்ந்த வழக் குரைஞர் அஸ்வினி குமார் பணம் மற்றும் பரிசு பொருட்கள் உள்ளிட்டவற்றை அளித்து மதம் மாற்றுவது அடிப்படை உரி மைகளுக்கு எதிரானது என்று அறிவிக்கக் கோரி தாக்கல் செய்த பொதுநல மனுவை டில்லி உயர்நீதிமன்றம் நீதிபதி கள் விசாரித்தனர். 

அப்போது மனுவை பரி சீலித்த நீதிபதிகள் பெருமளவில் கட்டாய மதமாற்றம் நடப்பதாக மனுவில் கூறப்பட்டிருப்பதற் கான தரவுகள் எங்கே என்று கேட்டதுடன், பாதிக்கப்பட்ட வர்கள் யாரேனும் வழக்குத் தொடர்ந்துள்ளனரா என்றும் கேள்வி எழுப்பினர். 

மேலும் சமூக வலைதளங் களில் கூறப்பட்டுள்ளவற்றை ஆதாரமாகக் கொள்ள முடியாது என்றும், கட்டாயப்படுத்தப்படாத பட்சத்தில் மதம் மாறுவதற்கு சட்டப்படி தடையில்லை என் றும், ஒருவர் தான் விரும்பும் எந்தவொரு மதத்தையும் பின் பற்ற அரசமைப்புச் சட்டத்தில் உரிளமை அளிக்கப்பட்டுள்ளது என்ற கருத்தை தெரிவித்து, இந்த வழக்கு தொடர்பான விரி வான விசாரணையை ஜூலை 25 ஆம் தேதிக்கு தள்ளிவைத்து எந்தவித அறிவிக்கையையும் பிறப்பிக்காமல் உத்தரவிட்டுள் ளனர்.

'பொதுப் பல்கலைக்கழக நுழைவுத் தேர்வினை ரத்து செய்திடுக;' ஒன்றிய அரசினை வலியுறுத்தி முதலமைச்சர் முன்மொழிந்த தீர்மானம்: சட்டப்பேரவையில் ஒரு மனதாக நிறைவேற்றம்

 

  April 11, 2022 • Viduthalai

சென்னை,ஏப்.11- மாநில அரசுகளின் உரிமையினை நிலைநாட்டும்பொருட்டு மத்திய பல்கலைக்கழகங்களில் பல்வேறு படிப்புகளில் சேர்வதற்காக நடத்தவிருக்கும் பொதுப் பல்கலைக்கழக நுழைவுத் தேர்வினை ரத்து செய்திட ஒன்றிய அரசினை இப்பேரவை வலியுறுத்துகிறது என சட்டப்பேரவையில் இன்று (11.4.2022) முதலமைச்சர் மு.க.ஸ்டாலின் அவர்கள் தீர்மானத்தை முன்மொழிந்து பேசியதாவது,

சட்டப்பேரவையில் இன்று (11.4.2022) கேள்வி நேரம் முடிந்தவுடன், முதலமைச்சர் மு.க.ஸ்டாலின் அவர்கள் கீழ்க்கண்ட அரசினர் தனித் தீர்மானத்தை முன்மொழிந்தார்.

அதில், ஒன்றிய அரசின்கீழ் இயங்கும் பல்கலைக்கழக மான்யக் குழு, 2022-2023ஆம்  கல்வி ஆண்டு முதல் அம்மான்யக் குழுவின் நிதியுதவியுடன் இயங்கும் அனைத்து மத்திய பல்கலைக்கழகங்களிலும் இளங்கலை உள்ளிட்ட பல்வேறு படிப்புகளுக்கான சேர்க்கைகள் தேசிய தேர்வு முகமை(National Testing Agency-NDA) நடத்தும் பொதுப் பல்கலைக்கழக நுழைவுத் தேர்வு (Common University Entrance Examination-CUET)   மூலம் மட்டுமே நடைபெறும் என்று அறிவித்துள்ளது. 12ஆம் வகுப்பு தேர்வில் மாணவர்கள் பெறும் மதிப்பெண்களை கணக்கில் கொள்ளாமல் பொதுப் பல்கலைக்கழக நுழைவுத்தேர்வில்   (CUET) மாணவர்கள் பெறும் மதிப்பெண்கள் அடிப்படையில் மட்டுமே சேர்க்கை நடைபெறும் எனவும், மாநில பல்கலைக் கழகங்கள், தனியார் மற்றும் நிகர்நிலைப் பல்கலைக்கழகங்கள் விரும்பினால் மாணவர்கள் சேர்க்கையை நடத்திக்கொள்ளலாம் என்றும் தெரிவித்துள்ளது.

சமமான வாய்ப்பினை வழங்கிடாது

தேசிய கல்வி ஆராய்ச்சி மற்றும் பயிற்சிக் குழு  (NCERT) பாடத்திட்டத்தை அடிப்படையாகக் கொண்ட எந்த ஒரு நுழைவுத் தேர்வும் நாடு முழுவதும் உள்ள பல்வேறு மாநில பாடத்திட்டங்களில் படித்த மாணவர்கள் அனைவருக்கும் சமமான வாய்ப்பினை வழங்கிடாது என்று இப்பேரவை கருதுகிறது.

பெரும்பாலான மாநிலங்களில் மொத்த மாணவர்களில் 80 விழுக்காட்டிற்கும் அதிகமான மாணவர்கள் மாநிலப் பாடத் திட்டங்களில் பயின்று வருபவர்கள். இவர்கள் பெரும் பாலும், விளிம்பு நிலைப் பிரிவினரைச் சேர்ந்தவர்கள் ஆவர்.

எனவே, NCERT  பாடத்திட்ட அடிப்படையிலான நுழைவுத் தேர்வு மத்தியப் பல்கலைக்கழகங்களில் சேர்வதற்கு தகுதியான பெரும்பான்மையினருக்கு பாதகமான நிலையை ஏற்படுத்துவதோடு, இந்தச் சூழ்நிலை நம் நாட்டிலுள்ள பல்வேறு மத்திய பல்கலைக்கழகங்கள், மற்றும் அவற்றின் இணைப்புக் கல்லூரிகளில் தமிழ்நாட்டைச் சேர்ந்த மாணவர்களின் சேர்க்கை எண்ணிக்கையை வெகுவாகக் குறைக்கும் என்றும் இப்பேரவை கருதுகிறது.

பயிற்சி மய்யங்களை சார்ந்து இருக்கும்

இந்நுழைவுத் தேர்வும், நீட் தேர்வைப் போன்றே நாடு முழுவதும் உள்ள பல்வேறு பள்ளி கல்வி முறைகளை ஓரங்கட்டி பள்ளிகளில் நீண்ட கால கற்றல் முறைகளை வெகுவாக குறைத்து மதிப்பிட வழிவகுப்பதோடு மாணவர்கள் தங்களது நுழைவுத் தேர்வு மதிப்பெண்களை அதிகரிக்க பயிற்சி மய்யங்களை சார்ந்து இருக்கும் ஒரு சூழலை ஏற்படுத்தி விடும் என்பதில் அய்யமில்லை.

மேலும், மாணவர்களுக்கான பயிற்சி மய்யங்கள் புற்றீசல் போன்று வளர மட்டுமே இது சாதகமாக அமையும் என்று தமிழ்நாட்டு மக்களிடையே அச்சம் எழுந்துள்ளது.

மன உளைச்சலுக்கு உள்ளாக்கப்படுவார்கள்

இவ்வாறு ஒரு நுழைவுத்தேர்வினை செயல்முறைக்குக் கொண்டு வருவதால் பள்ளிக்கல்வியோடு பயிற்சி மய்யங் களையும் நாடும் இளைய மாணவர் சமுதாயத்தினர் பெரு மன உளைச்சலுக்கு உள்ளாக்கப்படுவார்கள்.

எனவே, மாநில அரசுகளின் உரிமையினை நிலைநாட்டும் பொருட்டு மத்திய பல்கலைக்கழகங்களில் பல்வேறு படிப்பு களில் சேர்வதற்காக நடத்தவிருக்கும் பொதுப்பல்கலைக்கழக நுழைவுத் தேர்வினை ரத்து செய்திட ஒன்றிய அரசினை இப்பேரவை வலியுறுத்துகிறது என்று முதலமைச்சர் மு.க.ஸ்டாலின் அவர்கள் இந்த அரசினர் தனித்தீர்மானத்தை முன்மொழிந்து பேசினார்.

தீர்மானம் ஒரு மனதாக நிறைவேற்றம்

மத்திய பல்கலைக் கழகங்களில் பல்வேறு படிப்புகளில் சேர்வதற்காக நடத்தவிருக்கும் பொது பல்கலைக்கழக நுழைவுத் தேர்வினை ரத்து செய்திட ஒன்றிய அரசினை கேட்டுக்கொள்ளும் முதலமைச்சர் கொண்டு வந்த இந்த அரசினர் தீர்மானத்தை வரவேற்று, தி.வேல்முருகன் (தமிழக வாழ்வுரிமை கட்சி), ஈ.ஆர்.ஈசுவரன் (கொங்குநாடு மக்கள் தேசிய கட்சி), சதன் திருமலைக்குமார் (மதிமுக), சின்னதுரை (சி.பி.எம்.), இராமச்சந்திரன் (சி.பி.அய்.), சிந்தனைச் செல்வன் (வி.சி.க.), கோ.க.மணி (பா.ம.க.), செல்வப்பெருந்தகை (காங் கிரசு),  கே.பி.அன்பழகன் (அதிமுக) ஆகியோர் முதலமைச்சர் கொண்டு வந்த தீர்மானத்தை ஆதரித்து வரவேற்றுப்பேசினர்.

நயினார் நாகேந்திரன் தலைமையில் பாஜக உறுப்பினர்கள் இத்தீர்மானத்தை எதிர்த்து வெளிநடப்புசெய்தனர்.

இதையடுத்து, இந்த தீர்மானத்தை உறுப்பினர்கள் ஒரு மனதாக நிறைவேற்றித் தரவேண்டும் என முதலமைச்சர் கேட்டுக்கொண்டார். இதைத் தொடர்ந்து பேரவைத் தலைவர் மு.அப்பாவு அவர்கள், பேரவையின் குரல் வாக்கெடுப்புக்கு தீர்மா னம் விடப்பட்டு ஒரு மனதாக நிறைவேறியதாக அறிவித்தார்.

அரசு மருத்துவர்களுக்கு மேற்படிப்பில் 50% இட ஒதுக்கீடு 30% ஊக்க மதிப்பெண் வழங்க தடையில்லை சென்னை உயர்நீதிமன்றம்

 

  January 20, 2022 • Viduthalai

 சென்னை, ஜன.20 கிராமப்புறங்களில் பணிபுரியும் அரசு மருத்துவர்களுக்கு மேற்படிப்பில் 50% இட ஒதுக்கீடு, 30% ஊக்க மதிப்பெண் வழங்க தடையில்லை என்று சென்னை உயர்நீதிமன்றம் தெரிவித்துள்ளது. 

கிராமப்புறங்களில் பணிபுரியும் அரசு மருத்துவர்களுக்கு முதுகலை மருத்துவப் படிப்பில் 50 சதவீத இட ஒதுக்கீடு மற்றும் 30 சதவீதம் ஊக்கத்தொகை மதிப்பெண் வழங்கப்படும் என அரசு உத்தரவிட்டது. இந்த உத்தரவை எதிர்த்து சென்னை உயர் நீதிமன்றத்தில் அரசு சாரா மருத்துவர்கள் சங்கம் சார்பில் வழக்கு தொடரப்பட்டது.

அரசு மருத்துவர்களுக்கு மேற்படிப்பில் 50 சதவீத இட ஒதுக்கீடு, ஊக்க மதிப்பெண் வழங்குவதால் தனியார் மருத்துவக் கல்லூரிகளில் படித்தவர்களின் வாய்ப்பு பறிக்கப்படுவதாக அவர்கள் தங்கள் மனுவில் கூறியிருந்தனர். இரண்டில் ஏதாவது ஒன்றை மட்டும் அரசு மருத்துவர்களுக்கு வழங்க வேண்டும் என்றும்  கூறியிருந் தனர்.  இந்த நிலையில் இந்த வழக்கு விசாரணைக்கு வந்தது. விசார்ணை முடிவடைந்த நிலையில்  நீதிபதி தீர்ப்பு வழங்கினார்.  அப்போது, கிராமப்புறங்களில் பணிபுரியும் அரசு மருத்துவர்களுக்கு மேற்படிப்பில் 50 சதவீத இட ஒதுக்கீடு, 30 சதவீத ஊக்க மதிப்பெண் வழங்க தடையில்லை என்றும் 50% இட ஒதுக்கீடு, ஊக்க மதிப்பெண் வழங்குவதால் தனியார் மருத்துவ கல்லூரியில் படித்தவர்களின் வாய்ப்பு பறிக்கப்படுவதாக  கூறி வழக்கை தள்ளுபடி செய்து உத்தரவிட்டார். 

மேலும் அரசு மருத்துவர்கள் பொதுப்பிரிவு சேர்க்கையிலும் பங்கேற்கலாம் என நீதிபதி தெரிவித்தார்.

உயர் சிறப்பு மருத்துவப் படிப்புகளில் அரசு மருத்துவர்களுக்கு 50 சதவீத இட ஒதுக்கீடு: உயர் நீதிமன்றம் உத்தரவு!

 

   January 13, 2022 • Viduthalai

சென்னை, ஜன.13 சட்டப்பூர்வ தடையில்லாத பட்சத்தில் அரசு மருத்துவர்களுக்கு 50 சதவீத இட ஒதுக்கீடு அமல்படுத்தலாம் என்று சென்னை உயர் நீதிமன்றம் உத்தர விட்டுள்ளது

அரசு மருத்துவர்களுக்கு வழங்கப்பட்டு வந்த 50 சதவீத இட ஒதுக்கீடு, கடந்த 2017ஆம் ஆண்டு முதல் நிறுத்தப்பட்டது

உச்ச நீதிமன்ற உத்தரவு கடந்த ஆண்டு மட்டுமே பொருந்தும் என்பதால் இந்த கல்வி ஆண்டில் இட ஒதுக்கீடு வழங்க உத்தரவிட வேண்டும். சிறப்பு நிபுணத்துவ மருத்துவ படிப்பு களில் அரசு மருத்துவர் களுக்கு 50 சதவீத இட ஒதுக்கீடுக்கு சட்டப் பூர்வ தடையில்லாத பட்சத்தில் இந்த கல்வி ஆண்டு அமல்படுத்தலாம் என்று சென்னை உயர்நீதிமன்றம் உத்தரவிட்டுள் ளது. சிறப்பு நிபுணத்துவ மருத்துவப் மேற் படிப்புகளில் அரசு மருத்துவர்களுக்கு வழங் கப்பட்டு வந்த 50 சதவீத இட ஒதுக்கீடு, கடந்த 2017ஆம் ஆண்டு முதல் நிறுத்தப் பட்டது. 2021-- 2022ஆம் கல்வியாண்டில் அரசு மருத்துவர்களுக்கு இட ஒதுக்கீடு வழங்கப்படாததை எதிர்த்து சென்னை ராஜீவ் காந்தி அரசு பொது மருத்துவமனையில் பணிபுரிந்து வரும் அரசு மருத்துவரான டாக்டர் டி.சுரேஷ் என்பவர், சென்னை உயர் நீதிமன்றத்தில் வழக்கு தொடர்ந்துள்ளார்.

அதில், 2020 --2021ஆம் ஆண்டு இட ஒதுக்கீடு வழங்காததை எதிர்த்த வழக்கில் உச்ச நீதிமன்றத்தில், 2020--2021 ஆம் கல்வி யாண்டு செயல்படுத்த முடியாது என்று தெரிவிக்கப் பட்டதாகவும், அதை ஏற்றுக் கொண்ட உச்ச நீதிமன்ற உத்தரவு கடந்த ஆண்டு மட்டுமே பொருந்தும் என்பதால் இந்த கல்வி ஆண்டில் இட ஒதுக்கீடு வழங்க உத்தரவிட வேண்டும் என்றும் கேட்டுக் கொண்டார்.

இந்த வழக்கை விசாரித்த நீதிபதி தண்டபாணி, இந்த கல்வி ஆண்டில் அரசு மருத்துவர்களுக்கு சிறப்பு மருத்துவப் படிப்புகளில் 50 சதவீத இட ஒதுக்கீட்டை, எந்த ஒரு சட்ட தடையும் இல்லாத பட்சத்தில் செயல்படுத்தலாம் என்று உத்தரவிட்டுள்ளார்.

சூப்பர் ஸ்பெஷாலிட்டி மருத்துவ மேற்படிப்புகளில் அரசு மருத்துவர்களுக்கு 50% இடஒதுக்கீடு : உச்சநீதிமன்றம் அனுமதி

 

   March 17, 2022 • Viduthalai

புதுடில்லி,மார்ச்17- சூப்பர் ஸ்பெஷா லிட்டி மருத்துவ மேற்படிப்புகளில் அரசு மருத்துவர்களுக்கு 50 சதவீத இடஒதுக்கீடு வழங்க தமிழ்நாடு அர சுக்கு அனுமதி அளித்து உச்ச நீதிமன்றம் உத்தரவிட்டுள்ளது.

சூப்பர் ஸ்பெஷாலிட்டி மருத்துவ மேற்படிப்புகளில் 50 சதவீத இடஒதுக் கீடு பணியில் உள்ள அரசு மருத்துவர் களுக்கு வழங்கப்பப்படும் என்று தமிழ் நாடு அரசு அரசாணை வெளியிட்டது. இந்த அரசாணையை சென்னை உயர் நீதிமன்றமும் உறுதி செய்து உத்தர விட்டது. இந்த உத்தரவுக்கு எதிராக தனியார் மருத்துவர்கள் உச்ச நீதிமன் றத்தில் மேல்முறையீட்டு வழக்குத் தொடர்ந்தனர்.

இந்த வழக்கின் விசாரணை நீதிபதி எல்.நாகேஸ்வர ராவ் தலைமையிலான அமர்வில் கடந்த 2020-ஆம் ஆண்டு முதல் நடைபெற்று வருகிறது. முன்ன தாக வழக்கு விசாரணையின்போது, ’தமிழ்நாடு அரசின் அரசாணை புதி தல்ல. சூப்பர் ஸ்பெஷாலிட்டி மற்றும் மருத்துவ மேற்படிப்புகளில் பணியில் உள்ள அரசு மருத்துவர்களுக்கு 50 சதவீத இடங்களை ஒதுக்குவது என்பது தனி இடஒதுக்கீடு அல்ல. இது ஒருவகையான மாணவர் சேர்க்கை தான்  (different mode of admission).

இது சேவை மனப்பான்மையுடன் பணி செய்யும் அரசு மருத்துவர்களுக்கான முன்னுரிமை. மேலும், இது தமிழ்நாடு அரசின் கொள்கை முடிவாகும். எனவே இந்த ஒதுக்கீட்டை அமல்படுத்தலாம்’ என தமிழ்நாடு அரசு மற்றும் கேவியட் மனுதாரர்கள் தரப்பில் தெரிவிக்கப் பட்டது. மேலும், ’இது ஜாதிவாரியான ஒதுக்கீடு இல்லை. மாறாக இது அரசு மருத்துவர்களுக்கான ஒதுக்கீடு. இது அரசு மருத்துவர்களுக்கு மருத்துவ மேற்படிப்புக்கான ஒரு நுழைவு கருவி மட்டுமே. உச்ச நீதிமன்றத்தின் அரசியல் சாசன அமர்வு இந்த ஒதுக்கீடு சரியா னதே என தெரிவித்துள்ளது என’ வாதிடப்பட்டது.

அப்போது ஒன்றிய அரசு தரப்பில், ’சூப்பர் ஸ்பெஷாலிட்டி மருத்துவ மேற்படிப்புகளில் 2017-இல் இருந்து இடஒதுக்கீடு வழங்கவில்லை. எனவே அந்த நிலையே தொடர வேண்டும். இந்த ஆண்டும் சூப்பர் ஸ்பெஷாலிட்டி மருத்துவ மேற்படிப்பில் இடஒதுக்கீடு வழங்க கூடாது’ என எதிரப்பு தெரிவிக்கப்பட்டது.

அதேபோல், அரசு மருத்துவர்களுக்கு இவ்வாறு தனி இடஒதுக்கீடு வழங்குவது பாகுபடுத்தி பார்ப்பது என்றும், இவ் வாறு உள்ஒதுக்கீடு செய்ய முடியாத எனவும், சூப்பர் ஸ்பெஷாலிட்டி மருத் துவ படிப்பில் இடஒதுக்கீடு கூடாது என உச்ச நீதிமன்றம் ஏற்கெனவே கூறியுள்ளது; எனவே தமிழ்நாடு அரசின் அரசாணையை ரத்து செய்ய வேண்டும் என தனியார் மருத்துவர்கள் தரப்பில் தெரிவிக்கப்பட்டது.

அனைத்து தரப்பு வாதங்களையும் பதிவு செய்துகொண்ட உச்ச நீதிமன்றம், சூப்பர் ஸ்பெஷாலிட்டி படிப்புகளில் தமிழ்நாடு அரசு மருத்துவர்களுக்கு 50 சதவீத இடஒதுக்கீட்டு வழங்கலாமா, வேண்டாமா என்பது தொடர்பான இடைக்கால தீர்ப்பை வழங்க வழக்கை ஒத்தி வைத்திருந்தது.

இந்நிலையில், இந்த வழக்கில் நேற்று உத்தரவு பிறப்பித்த உச்ச நீதிமன்றம், ’தமிழ்நாட்டில் அரசு மருத்துவர்களுக்கு சூப்பர் ஸ்பெஷாலிட்டி மருத்துவ மேற் படிப்புகளில் 50 சதவீத இடஒதுக்கீடு வழங்கலாம்’ என அனுமதி அளித்து உத்தரவிட்டது. இந்த ஆண்டு தமிழ் நாடு அரசின் அரசாணைப்படி அரசு மருத்துவர்களுக்கு சூப்பர் ஸ்பெஷா லிட்டி மேற்படிப்புகளில் 50 சதவீத இட ஒதுக்கீடு வழங்கி கலந்தாய்வு நடத் தவும் அனுமதி வழங்க உத்தரவிட்டது.

அதேநேரம் மருத்துவ மேற்படிப் புகளில் 50 சதவீத இடஒதுக்கீடு வழங் குவதை எதிர்த்த பிரதான வழக்கை, விடுமுறைக்கு பின்னர் விசாரிப்பதாகவும் உச்ச நீதிமன்றம் தெரிவித்துள்ளது.

வன்னியர்களுக்கான 10.5 சதவீத இட ஒதுக்கீடு சட்டம் ரத்து

  November 01, 2021 • Viduthalai

உயர்நீதிமன்ற மதுரை கிளை தீர்ப்பு

மதுரை, நவ.1 வன்னியர்களுக்கு 10.5 சதவீத உள் இடஒதுக்கீடு வழங்கி தமிழ்நாடு அரசு பிறப்பித்த அரசாணையை ரத்து செய்து மதுரை உயர்நீதிமன்றம் உத்தரவு பிறப்பித்துள்ளது.

ராமநாதபுரம் மாவட் டம் பரமக்குடியை சேர்ந்த பாலமுரளி, மதுரை உயர் நீதிமன்றத்தில் தாக்கல் செய்த பொதுநல மனு வில், தமிழ்நாட்டில் மிக வும் பிற்படுத்தப்பட்ட சமுதாயத்தைச் சேர்ந்த மக்கள் ஏராளமானவர் கள் உள்ளனர்.

இவர்களுக்கு மொத்த மாக 20 சதவீதம் இட ஒதுக்கீடு அளிக்கப்பட் டுள்ளது. இதில் 10.5 சதவீ தத்தை வன்னியர் சமுதா யத்தினருக்கு உள்ஒதுக் கீடாக வழங்கி கடந்த பிப்ரவரி மாதம் தமிழ்நாடு அரசு சட்ட மசோதாவை நிறைவேற்றியது.

இதனால் மிகவும் பிற் பட்ட வகுப்பினர் பிரிவில் உள்ள பிற சமுதாயத்தை சேர்ந்த மக்களின் கல்வி, வேலை, எதிர்காலம் அனைத்தும் கேள்விக் குறியாகிவிட்டது. முறை யாக ஜாதிவாரிக் கணக் கெடுப்பு நடத்திய பின் னரே இட ஒதுக்கீடு வழங்க வேண்டும்.

எனவே, வன்னிய சமுதாயத்தினருக்கு 10.5 சதவீதம் உள் இட ஒதுக் கீடு வழங்கும் சட்டத்தை ரத்து செய்து, அதன் அடிப்படையில் கல்வி நிறு வனங்கள் மற்றும் வேலை வாய்ப்புகளில் இட ஒதுக் கீட்டை அமல்படுத்த இடைக் கால தடை விதித்து உத்தரவிட வேண்டும் என்று கூறியிருந்தார்.

இதே கோரிக்கையுடன் 20-க்கும் மேற்பட்டோர் மனு தாக்கல் செய்திருந் தனர். இந்த மனுக்களை சென்னை உயர்நீதிமன்ற தலைமை நீதிபதியின் பரிந்துரையின்பேரில் நீதிபதிகள் துரைசாமி, முரளிசங்கர் ஆகியோர் ஆகியோர் கடந்த சில வாரங்களாக மதுரை உயர்நீதிமன்றத்தில் நாள் தோறும் விசாரித்தனர்.

விசாரணையின் போது மனுதாரர்கள் சார்பில் ஆஜரான வழக் குரைஞர்கள், மிகவும் பிற்படுத்தப்பட்டோருக் கான இட ஒதுக்கீட்டில் 10.5 சதவீதத்தை வன்னி யர்களுக்கு வழங்கி இருப் பது, சட்டத்துக்கு முர ணான இட ஒதுக்கீடாக உள்ளது.

ஜாதி ரீதியான கணக் கெடுப்புகள் முறையாக நடத்தப்படவில்லை. தேர்தல் ஆதாயத்திற்காக ஒரு சமுதாயத்தினரை முன்னிறுத்தி சட்டமன் றத்தில் இந்த தீர்மானம் அவசர அவசரமாக கொண்டு வரப்பட்டு நிறைவேற்றப் பட்டுள்ளது.

இந்த தீர்மானத்தால் மிகவும் பிற்படுத்தப்பட் டோர் இட ஒதுக்கீட்டில் உள்ள மற்ற ஜாதி மாண வர்கள் கடுமையாக பாதிக்கப்பட்டுள்ளனர் என்று வாதாடினர். அரசு தரப்பிலும் சட்டத்தின் நியாயத்தை எடுத்துரைத் தனர். பின்னர் இந்த வழக் கின் தீர்ப்பை கடந்த வாரம் நீதிபதிகள் ஒத்தி வைத்து இருந்தனர்.

இந்தநிலையில் இன்று (1.11.2021) காலை யில் அதே நீதிபதிகள் இந்த வழக்கின் தீர்ப்பை வழங்கினர். அதில் கூறியிருந்ததாவது:-

மிகவும் பிற்பட்டவர் களுக்கான இட ஒதுக்கீட் டில் உள்ஒதுக்கீடாக வன் னியர்களுக்கு 10.5 சதவீ தத்தை ஒதுக்க மாநில அர சுக்கு அதிகாரம் உள்ளதா?

ஜாதிவாரி கணக்கெ டுப்பு நடத்தப்படாத சூழ் நிலையில் இது போன்ற அரசாணை பிறப்பிக்க லாமா? ஜாதி அடிப்படை யில் இடஒதுக்கீடு வழங்க முடியுமா? முறையான அளவுசார் தரவுகள் இல்லாமல் இடஒதுக்கீடு வழங்க இயலுமா? என் பது உள்ளிட்ட பல்வேறு கேள்விகள் எழுகிறது.

இந்தக் கேள்விகளுக்கு தமிழ்நாடு அரசு அளித்த பதில்கள் ஏற்றுக் கொள் பவையாக இல்லை. இந்த அரசாணை அரசமைப்பு சட்டங்களுக்கு எதிரான தாக உள்ளது.

எனவே வன்னியர் களுக்கு 10.5 சதவீத உள் இடஒதுக்கீடு வழங்கும் வகையில் தமிழ்நாடு அரசு பிறப்பித்த அரசாணை மற்றும் நடவடிக் கைகள் ரத்து செய்யப்படுகின்றன.

இந்த அரசாணையின் அடிப்படையில் பள்ளி, கல்லூரிகள் மற்றும் அர சுப்பணிகளில் உள்இட ஒதுக்கீடு வழங்கப்பட்டு இருக்குமாயின் அவை நிறுத்தி வைக்கப்படுகின் றன. இந்த உத்தரவுக்கு எதிராக மேல்முறையீடு செய்ய அனுமதிக்கப்படு கிறது. இவ்வாறு நீதி பதிகள் உத்தரவில் கூறி யுள்ளனர்.

உரிமம் பெறாத மகளிர் விடுதிகள் மீது கடும் நடவடிக்கை; மாவட்ட ஆட்சியர் எச்சரிக்கை

  September 11, 2021 • Viduthalai

சென்னை, செப்.11 சென்னையில் உரிமம் பெறாமல் செயல்பட்டு வரும் மகளிர் விடுதிகள் மீது கடும் நடவடிக்கை எடுக்கப்படும் என மாவட்ட ஆட்சியர் எச்சரிக்கை விடுத்து உள்ளார்.

சென்னை மாவட்ட ஆட்சியர் விஜயா ராணி வெளியிட்ட அறிவிப்பில், சென்னையில் தனியார் சார்பில் ஏராளமான மகளிர் விடுதிகள் செயல்பட்டு வரும் நிலையில், இதுவரை 26 மகளிர் விடுதிகள் மட்டுமே உரிமம் பெற சென்னை மாவட்ட ஆட்சியரை அணுகியுள்ளன.

முறையாக உரிமம் பெறாமல் இயங்கும் விடுதிகள் உடனடியாக உரிமம் பெறுவதற்கு விரைந்து நடவடிக்கை மேற்கொள்ள அறிவுறுத்தப்பட்டது. விதிப்படி, தனியார் மகளிர் விடுதிகளை நடத்திட விடுதி உரிமையாளர்கள் நிபந்தனைகளை கண்டிப்பாக பின்பற்ற வேண்டும்.

அதன்படி, விடுதியின் உரிமம் பெற, தீயணைப்பு சான்றிதழ், சுகாதார சான்றிதழ், கட்டட உறுதித்தன்மை சான்று மற்றும் பார்ம் டி உரிமம் ஆகியவை கட்டாயம் பெற்றிருக்க வேண்டும்.  அங்கீகரிக்கப்பட்ட கட்டடத்தில் விடுதி நடத்தப்பட வேண்டும். விடுதியில் சிசிடிவி கேமரா பொருத்தப்பட வேண்டும் (குளியலறை மற்றும் உடைமாற்றும் அறைகளைத் தவிர). விடுதி காப்பாளர் கட்டாயம் பெண்ணாகவும், விடுதி பாதுகாவலர் ஆண் அல்லது பெண்ணாகவோ இருக்க வேண்டும். விடுதி பாதுகாவலர் காவல் துறையினரால் பெறப்பட்ட நன்னடத்தை சான்றிதழ் பெற்றிருக்க வேண்டும்.

விடுதியில் சேர்க்கை பதிவேடு, நடமாடும் பதிவேடு, விடுப்பு / விடுமுறை பதிவேடு மற்றும் பார்வையாளர் பதிவேடு ஆகியவை கண்டிப்பாக பராமரிக்க வேண்டும். ஒருவர் தங்குவதற்கு சராசரியாக 120 சதுர அடி இடத்தினை ஒதுக்கீடு செய்து தருவதை விடுதி மேலாளர் உறுதி செய்ய வேண்டும். மேலும் தனிக்குடும்பமாக வசிப்பதற்கென்று உள்ள தனி வீடுகளை வாடகைக்கு எடுத்து, எந்த உரிமமும் பெறாமல் மகளிர் விடுதியாக மாற்றி, போதிய வசதிகள் இல்லாமல் செயல்படுவது கண்டறியப்பட்டால் கடுமையான நடவடிக்கை எடுக்கப்படும் என தெரிவிக்கப்பட்டுள்ளது.

தமிழ்த்தாய் வாழ்த்து: தமிழ்நாடு அரசின் ஆணை

   January 27, 2022 • Viduthalai

முதலமைச்சர் காப்பீட்டுத் திட்டப் பயனாளியின் குடும்ப வருமானம் ரூ.1.20 லட்சமாக உயர்வு: தமிழ்நாடு அரசு அரசாணை வெளியீடு

  December 22, 2021 • Viduthalai

சென்னை, டிச. 22- முதலமைச்சரின் விரிவான மருத்துவக்காப்பீட் டுத் திட்டப் பயனாளிக்கான குடும்ப ஆண்டு வருமானம் ரூ.72ஆயிரத்தில் இருந்து, ரூ.1.20 லட்சமாக உயர்த்தப்பட்டு அர சாணை வெளியிடப்பட்டுள்ளது.

இதுதொடர்பாக சுகாதா ரத்துறைச் செயலர் ஜெ.ராதா கிருஷ்ணன் வெளியிட்டுள்ள அரசாணையில் கூறியிருப்பதாவது:

ஏழை மற்றும் குறைந்த வரு வாய் பெறுபவர்கள் உயிர்காக் கும் மருத்துவ சிகிச்சைகளை கட்டணமில்லாமல் அரசு மற் றும் தனியார்மருத்துவமனைக ளில் பெறுவதற்காக தமிழ்நாடு அரசால் 2009இல் கலைஞரின் காப்பீட்டுத் திட்டம் தொடங் கப்பட்டது.

இத்திட்டத்தின் கீழ் ஒவ் வொரு பயனாளியின் குடும்பத் துக்கும் ரூ.1 லட்சம் வரை இலவ சமாக சிகிச்சை பெற காப்பீடு செய்யப்பட்டது. இந்த திட்டம் 2012 ஜனவரி 11ஆம் தேதி, முதலமைச்சரின் விரிவான மருத்துவக் காப்பீட்டுத் திட் டம் என்ற பெயரில் விரிவாக்கம் செய்யப்பட்டு, மாநிலம் முழுவ தும் செயல்படுத்தப்பட்டு வரு கிறது. இந்தத் திட்டத்தில், ஆண்டு வருமானம் ரூ.72 ஆயிரத்துக்கும் குறைவாக உள்ள குடும்பங்கள் பயனாளியாகச் சேர்க்கப்பட் டன. இந்த திட்டத்துடன் பிர தான் மந்திரிஜன் ஆரோக்யா யோஜனா என்றதிட்டத்தை ஒருங்கிணைத்து, முதலமைச்ச ரின் விரிவான மருத்துவக் காப் பீட்டுத் திட்ட பயனாளிகளுக் கான காப்பீட்டுத் தொகை ரூ.5 லட்சமாக உயர்த்தப்பட்டது.

இந்நிலையில், பல்வேறு தளங் களில் இருந்து பெறப்பட்ட கோரிக்கை மற்றும் கருத்து ருவின் அடிப்படையில், இந்த திட்டத்துக்கான குடும்ப ஆண்டு வருமானத்தை ரூ.72 ஆயிரத் தில் இருந்து ரூ.1.20 லட்சமாக உயர்த்தலாம் என்று தமிழ்நாடு சுகாதாரத் திட்ட இயக்குநர் கேட்டுக் கொண்டார்.

இதை பரிசீலனை செய்து, 2022 ஜனவரி 11ஆம் தேதி முதல் புதிதாக நீட்டிக்கப்பட உள்ள முதலமைச்சரின் விரி வான மருத்துவக் காப்பீட்டுத் திட்டப் பயனாளியின் குடும்ப ஆண்டு வருமானம் ரூ.72 ஆயிரத்தில் இருந்து, ரூ.1.20 லட்சமாக உயர்த்தப்படுகிறது.

இவ்வாறு அந்த அரசா ணையில் தெரிவிக்கப்பட்டு உள்ளது.

தமிழ்த்தாய் வாழ்த்துப் பாடலில் முத்தமிழறிஞர் கலைஞர் திருத்தியது செல்லும்! - சென்னை உயர்நீதிமன்றம் உத்தரவு!

   January 24, 2022 • Viduthalai

சென்னை, ஜன.24 தமிழ்த்தாய் வாழ்த்துப் பாடலில் முத்தமிழறிஞர் கலைஞர் திருத்தம் செய்தது செல்லும் என்றும், அத்திருத்தத்தை எதிர்த்து தொடரப்பட்ட வழக்கினை தள்ளுபடி செய்தும் அரசு பிளீடர் பி.முத்துகுமார் வாதத்தையடுத்து சென்னை உயர்நீதி மன்றம்  உத்தரவிட்டுள்ளது.

மனோன்மணியம் சுந்தரனார் அவர்கள் எழுதிய நீராரும் கடலுடுத்த... எனத் தொடங்கும் பாடலின் இரண் டாவது பத்தியில் கன்னடம், தெலுங்கு, மலையாளம், துலு, சமஸ்கிருதம் ஆகிய மொழிகள் கொண்ட வரிகளை நீக்கி, கடந்த 1970ஆம் ஆண்டு அப்போது முதலமைச்சராக இருந்த முத்தமிழறிஞர் கலைஞர் அவர்கள் தமிழ்த்தாய் வாழ்த் துப் பாடலாக அறிவித்தார்.

அதன்படி, அப்போது முதல் அரசு நிகழ்ச்சிகளில் தமிழ்த்தாய் வாழ்த்து பாடப்பட்டு வருகிறது. மனோன் மணியம் சுந்தரனார் எழுதிய முழுமை யான பாடலை திருத்தியதை எதிர்த்து ஜெபமணி ஜனதா கட்சியின் பொதுச் செயலாளரான ஜெ.மோகன்ராஜ் சென்னை உயர்நீதிமன்றத்தில் 2007-இல் வழக்கு தொடர்ந்தார்.

அவரது மனுவில் சமஸ்கிருதம்போல் அல்லாமல் இளமையாக தமிழ் மொழி இருப்பதை குறிப்பிடும் வகையிலும், பிற திராவிட மொழிகளை ஒப்பிட்டும் கூறப்பட்ட வரிகளை நீக்கியது மனோன் மணியம் சுந்தரனாரருக்கு அவமதிப்பை ஏற்படுத்தும் செயல் என்றும் குறிப்பிட் டுள்ளார்.

எனவே திருத்தப்பட்ட பாடலை தமிழ் பாடப்புத்தகங்களில் இடம்பெற செய்துள்ளதையும், விழாக்களில் பாடு வதையும் சட்டவிரோதமானது எனவும் அறிவிக்க வேண்டுமென கோரிக்கை வைத்திருந்தார்.

இந்த வழக்கு பொறுப்பு தலைமை நீதிபதி முனீஷ்வர் நாத் பண்டாரி, நீதிபதி ஆதிகேசவலு அடங்கிய அமர்வில் விசாரணைக்கு வந்தபோது, அரசு பிளீடர் பி.முத்துக்குமார் ஆஜ ராகி தமிழ்த்தாய் வாழ்த்தை மாற்றி அமைக்க அரசுக்கு உரிமை உள்ள தாகவும், பாடலுக்கான காப்புரிமையை மனுதாரர் பெற்றிருக்கவில்லை என்றும் தெரிவித்ததுடன், வழக்கை தள்ளுபடி செய்ய வேண்டுமென கோரிக்கை வைத்தார்.

இதையடுத்து 1970-இல் திருத்தம் செய்யப்பட்டு தொடர்ந்து பாடப்பட்டு வந்த நிலையில், 37 ஆண்டுகள் கழித்து வழக்கு தொடர்ந்ததை ஏற்க முடியாது எனக்கூறிய நீதிபதிகள், ஜெபமணி மோகன்ராஜின் வழக்கை தள்ளுபடி செய்து உத்தரவிட்டனர்.

மேலும் முத்தமிழறிஞர் கலைஞர் மனோன்மணியம் சுந்தரனார் பாடலில் திருத்தம் செய்தது செல்லும் என்றும் நீதிபதிகள் அத்தீர்ப்பில் குறிப்பிட்டுள் ளனர்.

முதலமைச்சர் மு.க.ஸ்டாலின் உத்தரவு

ஏற்கெனவே முத்தமிழறிஞர் கலைஞர் அறிவித்த இந்த தமிழ்த்தாய் வாழ்த்துப் பாடலையே முதலமைச்சர் மு.க.ஸ்டாலின் அவர்களின் உத்தரவுப் படி தமிழ்நாடு அரசின் மாநிலத் தமிழ்த் தாய் வாழ்த்துப் பாடலாக ஒலிக்கும் என்று அறிவித்ததுடன், தமிழ்த்தாய் வாழ்த்துப் பாடல் ஒலிக்கும்போது அனைவரும் எழுந்து நிற்க வேண்டும் என்றும் அரசாணை வெளியிடப் பட்டது குறிப்பிடத்தக்கது.