தமிழ்த்தாய் வாழ்த்து: தமிழ்நாடு அரசின் ஆணை

   January 27, 2022 • Viduthalai

முதலமைச்சர் காப்பீட்டுத் திட்டப் பயனாளியின் குடும்ப வருமானம் ரூ.1.20 லட்சமாக உயர்வு: தமிழ்நாடு அரசு அரசாணை வெளியீடு

  December 22, 2021 • Viduthalai

சென்னை, டிச. 22- முதலமைச்சரின் விரிவான மருத்துவக்காப்பீட் டுத் திட்டப் பயனாளிக்கான குடும்ப ஆண்டு வருமானம் ரூ.72ஆயிரத்தில் இருந்து, ரூ.1.20 லட்சமாக உயர்த்தப்பட்டு அர சாணை வெளியிடப்பட்டுள்ளது.

இதுதொடர்பாக சுகாதா ரத்துறைச் செயலர் ஜெ.ராதா கிருஷ்ணன் வெளியிட்டுள்ள அரசாணையில் கூறியிருப்பதாவது:

ஏழை மற்றும் குறைந்த வரு வாய் பெறுபவர்கள் உயிர்காக் கும் மருத்துவ சிகிச்சைகளை கட்டணமில்லாமல் அரசு மற் றும் தனியார்மருத்துவமனைக ளில் பெறுவதற்காக தமிழ்நாடு அரசால் 2009இல் கலைஞரின் காப்பீட்டுத் திட்டம் தொடங் கப்பட்டது.

இத்திட்டத்தின் கீழ் ஒவ் வொரு பயனாளியின் குடும்பத் துக்கும் ரூ.1 லட்சம் வரை இலவ சமாக சிகிச்சை பெற காப்பீடு செய்யப்பட்டது. இந்த திட்டம் 2012 ஜனவரி 11ஆம் தேதி, முதலமைச்சரின் விரிவான மருத்துவக் காப்பீட்டுத் திட் டம் என்ற பெயரில் விரிவாக்கம் செய்யப்பட்டு, மாநிலம் முழுவ தும் செயல்படுத்தப்பட்டு வரு கிறது. இந்தத் திட்டத்தில், ஆண்டு வருமானம் ரூ.72 ஆயிரத்துக்கும் குறைவாக உள்ள குடும்பங்கள் பயனாளியாகச் சேர்க்கப்பட் டன. இந்த திட்டத்துடன் பிர தான் மந்திரிஜன் ஆரோக்யா யோஜனா என்றதிட்டத்தை ஒருங்கிணைத்து, முதலமைச்ச ரின் விரிவான மருத்துவக் காப் பீட்டுத் திட்ட பயனாளிகளுக் கான காப்பீட்டுத் தொகை ரூ.5 லட்சமாக உயர்த்தப்பட்டது.

இந்நிலையில், பல்வேறு தளங் களில் இருந்து பெறப்பட்ட கோரிக்கை மற்றும் கருத்து ருவின் அடிப்படையில், இந்த திட்டத்துக்கான குடும்ப ஆண்டு வருமானத்தை ரூ.72 ஆயிரத் தில் இருந்து ரூ.1.20 லட்சமாக உயர்த்தலாம் என்று தமிழ்நாடு சுகாதாரத் திட்ட இயக்குநர் கேட்டுக் கொண்டார்.

இதை பரிசீலனை செய்து, 2022 ஜனவரி 11ஆம் தேதி முதல் புதிதாக நீட்டிக்கப்பட உள்ள முதலமைச்சரின் விரி வான மருத்துவக் காப்பீட்டுத் திட்டப் பயனாளியின் குடும்ப ஆண்டு வருமானம் ரூ.72 ஆயிரத்தில் இருந்து, ரூ.1.20 லட்சமாக உயர்த்தப்படுகிறது.

இவ்வாறு அந்த அரசா ணையில் தெரிவிக்கப்பட்டு உள்ளது.

தமிழ்த்தாய் வாழ்த்துப் பாடலில் முத்தமிழறிஞர் கலைஞர் திருத்தியது செல்லும்! - சென்னை உயர்நீதிமன்றம் உத்தரவு!

   January 24, 2022 • Viduthalai

சென்னை, ஜன.24 தமிழ்த்தாய் வாழ்த்துப் பாடலில் முத்தமிழறிஞர் கலைஞர் திருத்தம் செய்தது செல்லும் என்றும், அத்திருத்தத்தை எதிர்த்து தொடரப்பட்ட வழக்கினை தள்ளுபடி செய்தும் அரசு பிளீடர் பி.முத்துகுமார் வாதத்தையடுத்து சென்னை உயர்நீதி மன்றம்  உத்தரவிட்டுள்ளது.

மனோன்மணியம் சுந்தரனார் அவர்கள் எழுதிய நீராரும் கடலுடுத்த... எனத் தொடங்கும் பாடலின் இரண் டாவது பத்தியில் கன்னடம், தெலுங்கு, மலையாளம், துலு, சமஸ்கிருதம் ஆகிய மொழிகள் கொண்ட வரிகளை நீக்கி, கடந்த 1970ஆம் ஆண்டு அப்போது முதலமைச்சராக இருந்த முத்தமிழறிஞர் கலைஞர் அவர்கள் தமிழ்த்தாய் வாழ்த் துப் பாடலாக அறிவித்தார்.

அதன்படி, அப்போது முதல் அரசு நிகழ்ச்சிகளில் தமிழ்த்தாய் வாழ்த்து பாடப்பட்டு வருகிறது. மனோன் மணியம் சுந்தரனார் எழுதிய முழுமை யான பாடலை திருத்தியதை எதிர்த்து ஜெபமணி ஜனதா கட்சியின் பொதுச் செயலாளரான ஜெ.மோகன்ராஜ் சென்னை உயர்நீதிமன்றத்தில் 2007-இல் வழக்கு தொடர்ந்தார்.

அவரது மனுவில் சமஸ்கிருதம்போல் அல்லாமல் இளமையாக தமிழ் மொழி இருப்பதை குறிப்பிடும் வகையிலும், பிற திராவிட மொழிகளை ஒப்பிட்டும் கூறப்பட்ட வரிகளை நீக்கியது மனோன் மணியம் சுந்தரனாரருக்கு அவமதிப்பை ஏற்படுத்தும் செயல் என்றும் குறிப்பிட் டுள்ளார்.

எனவே திருத்தப்பட்ட பாடலை தமிழ் பாடப்புத்தகங்களில் இடம்பெற செய்துள்ளதையும், விழாக்களில் பாடு வதையும் சட்டவிரோதமானது எனவும் அறிவிக்க வேண்டுமென கோரிக்கை வைத்திருந்தார்.

இந்த வழக்கு பொறுப்பு தலைமை நீதிபதி முனீஷ்வர் நாத் பண்டாரி, நீதிபதி ஆதிகேசவலு அடங்கிய அமர்வில் விசாரணைக்கு வந்தபோது, அரசு பிளீடர் பி.முத்துக்குமார் ஆஜ ராகி தமிழ்த்தாய் வாழ்த்தை மாற்றி அமைக்க அரசுக்கு உரிமை உள்ள தாகவும், பாடலுக்கான காப்புரிமையை மனுதாரர் பெற்றிருக்கவில்லை என்றும் தெரிவித்ததுடன், வழக்கை தள்ளுபடி செய்ய வேண்டுமென கோரிக்கை வைத்தார்.

இதையடுத்து 1970-இல் திருத்தம் செய்யப்பட்டு தொடர்ந்து பாடப்பட்டு வந்த நிலையில், 37 ஆண்டுகள் கழித்து வழக்கு தொடர்ந்ததை ஏற்க முடியாது எனக்கூறிய நீதிபதிகள், ஜெபமணி மோகன்ராஜின் வழக்கை தள்ளுபடி செய்து உத்தரவிட்டனர்.

மேலும் முத்தமிழறிஞர் கலைஞர் மனோன்மணியம் சுந்தரனார் பாடலில் திருத்தம் செய்தது செல்லும் என்றும் நீதிபதிகள் அத்தீர்ப்பில் குறிப்பிட்டுள் ளனர்.

முதலமைச்சர் மு.க.ஸ்டாலின் உத்தரவு

ஏற்கெனவே முத்தமிழறிஞர் கலைஞர் அறிவித்த இந்த தமிழ்த்தாய் வாழ்த்துப் பாடலையே முதலமைச்சர் மு.க.ஸ்டாலின் அவர்களின் உத்தரவுப் படி தமிழ்நாடு அரசின் மாநிலத் தமிழ்த் தாய் வாழ்த்துப் பாடலாக ஒலிக்கும் என்று அறிவித்ததுடன், தமிழ்த்தாய் வாழ்த்துப் பாடல் ஒலிக்கும்போது அனைவரும் எழுந்து நிற்க வேண்டும் என்றும் அரசாணை வெளியிடப் பட்டது குறிப்பிடத்தக்கது.

1956 வாரிசுரிமைச் சட்டத்துக்கு முன்பாக தந்தை இறந்திருந்தாலும் தந்தையின் சொத்துகளுக்கு மகள் முழு உரிமை கோரலாம் உச்சநீதிமன்றம் தீர்ப்பு!

   January 22, 2022 • Viduthalai

புதுடில்லி,ஜன.22- தந்தையின் சொத்தில் மகள்களுக்கும் பங்கு உண்டு என்ற சட்டம் 1956-ஆம் ஆண்டுக்கு முன்னரும் செல்லு படியாகும் என உச்சநீதிமன்றம் அறிவித்துள்ளது. கடந்த 1956-ஆம் ஆண்டு, இந்து வாரிசு உரிமைச் சட்டம் கொண்டு வரப்பட்டது. இதன்படி,  மூதாதையரின் சொத் தில் ஆண் வாரிசுகளுக்கு மட்டுமே பங்கு உண்டு என இருந்தது. 

இதன்பின் கடந்த 2005-ஆம் ஆண்டு இந்து வாரிசு உரிமை சட்டம் பிரிவு 6-இல்,  திருத்தம் மேற்கொள்ளப்பட்டது. இதன் படி, மூதாதையர்களின் சொத்தில் மகள் களுக்கும் சம உரிமை உண்டு என அறிவிக்கப்பட்டது. 

இந்நிலையில், தமிழ்நாட்டை சேர்ந்த அருணாச்சலா என்பவர் தொடர்ந்த வழக்கு ஒன்றில், ’1956-ஆம் ஆண்டுதான் வாரிசு உரிமை சட்டம் கொண்டு வரப்பட்டது. அதற்கு முன்பாகவே குடும்பத் தலைவர் இறந்து விட்டால், அவருடைய ஆண் வாரிசுகளுக்கு மட்டும் தான் சொத்து செல்லுமா அல்லது மகள்களுக்கும் சொத்தில் உரிமை உண்டா என்பது குறித்து நீதிமன்றம் விளக்கம் அளிக்க வேண்டும்’ என கோரினார்.

இந்த வழக்கை உச்சநீதிமன்றம் பல கட்டங்களாக விசாரித்து வந்த நிலையில், நீதிபதிகள் அப்துல் நசீர், கிருஷ்ணா முராரி அமர்வு  20.1.2022 அன்று தீர்ப்பு வழங்கியது.

 அதில், ‘1956-இல் வாரிசுரிமை சட்டம் கொண்டு வரப்பட்டாலும், அதற்கு முன்பாக இறப்பு ஏற்பட்டு இருந்தாலும் தந்தை உறவு சொத்தில் பெண்களுக்கும் உரிமை உண்டு’ என அறிவித்தனர்.

ஆண் வாரிசு இல்லாத பட்சத் தில் தந்தையின் சொத்துகளுக்கு மகள் உரிமை கோர முழு அதிகாரம் உண்டு என உச்சநீதிமன்றம் பர பரப்பு தீர்ப்பு ஒன்றை வழங்கியுள் ளது. இந்து வாரிசுரிமைச் சட்டத்தின் கீழ் தந்தையின் சொத்துக்களுக்கு ஆண் வாரிசு இல்லாத பட்சத்தில், தந்தையின் சகோதரனின் மகனுக்கு உரிமை கோர அதிகாரம் உள்ளதா என்பது தொடர்பான வழக்கில் உச்சநீதிமன்றம் இத்தகைய தீர்ப்பை வழங்கியுள்ளது.

அதன்படி உச்சநீதிமன்ற நீதிபதி முராரி தலைமையிலான அமர்வு பிறப் பித்த உத்தரவில், தந்தையின் விருப்ப உயில் இல்லாத சொத்து களுக்கு ஆண் வாரிசு இல்லாத பட்சத்தில் மகள் உரிமை கோர முழு அதிகாரம் உண்டு என தீர்ப்பு வழங்கப்பட்டுள்ளது.