இலங்கை அகதிகள் முகாமை இனிமேல் "மறுவாழ்வு முகாம்" என அழைக்க அரசாணை வெளியீடு

August 29, 2021 • Viduthalai

பேரவையில் முதலமைச்சர் மு.க. ஸ்டாலின் அறிவிப்பு

சென்னை,  ஆக. 29 சட்டப்பேரவையில், திருவாரூர் திமுக உறுப்பினர் பூண்டி கலைவாணன் நேற்று (28.8.2021) பேசும்போது, இலங்கை தமிழ் அகதிகள் முகாமில் அவர் களுக்கான அடிப்படைதேவைகள், கல்வி உள்ளிட்டவற்றுக்கான அறிவிப்புகளை முதலமைச்சர் வெளியிட்டுள்ளார் என்றார்.

அப்போது குறுக்கிட்ட முத லமைச்சர் மு.க.ஸ்டாலின், உறுப்பி னர் பேசும்போது, இலங்கை தமிழ் அகதிகள் முகாம் என்று குறிப் பிட்டார். இன்றுமுதல் இலங்கை தமிழ் அகதிகள் முகாம் என்று கூறாமல், "மறுவாழ்வு முகாம்" என்று கூற வேண்டும். அவர்கள் ஆதரவற்றவர்கள் அல்ல; அவர்க ளுக்கு துணையாக நாம் இருக்கி றோம். எனவே, அகதிகள் முகாம் என்று அழைக்காமல் "இலங்கை தமிழர் மறுவாழ்வு முகாம்" என்று அழைக்க வேண்டும்என்று அர சாணை வெளியிடப்பட்டுள்ளது என்றார்.

கால்நடை பராமரிப்பு, பால் வளம், மீன்வளம், வேளாண்மைத் துறை மானியக் கோரிக்கைகள் மீதான விவாதத்தில் கடலூர் தொகுதி திமுக உறுப்பினர் அய் யப்பன் பேசும்போது, முதலமைச் சர் உள்ளிட்டவர்களை பாராட் டினார்.

அப்போது முதலமைச்சர் மு.க. ஸ்டாலின் குறுக்கிட்டு, உறுப்பினர் கொடுக்கப்பட்டுள்ள நேரத்தை மனதில் வைத்துக்கெண்டு பேச வேண்டும். நேற்று (28.8.2021)கூட புகழ்ந்து பேசுவதை ஓரளவு குறை வாக வைத்துக் கெள்ளுங்கள் என்றுகட்டளையாகவே கூறியிருக் கிறேன். இப்போது உங்கள் மீது நடவடிக்கை எடுக்க வேண்டி இருக்கும். அதனால் தயவுசெய்து விவாதத்துக்கு செல்லுங்கள். விரை வாகப் பேசி முடியுங்கள் என்று கேட்டுக் கெண்டார்.

தாய் பெயரை 'இனிசியலாக' பயன்படுத்த உரிமை உண்டு: டில்லி உயர்நீதிமன்றம் உத்தரவு

 

   August 07, 2021 • Viduthalai

 புதுடில்லி,ஆக.7-'தாயின் பெயரையும் 'இனிசியலாக' பயன்படுத்த குழந்தைக்கு உரிமை உள்ளது' என, டில்லி உயர் நீதிமன்றம் உத்தரவிட்டுள்ளது. தாயின் பெயரை இனிஷியலாக பயன்படுத்துவது தொடர்பான வழக்கு, டில்லி உயர் நீதிமன்றத்தில் நேற்று  (6.8.2021) விசாரணைக்கு வந்தது. நீதிபதி ரேகா பாலி விசாரித்தார். மனு தாக்கல் செய்திருந்தவரின் தரப்பில் ஆஜரான வழக்குரைஞர் வாதிட்டதாவது:

என் கட்சிக்காரரின் மகள் மைனர். ஆனால், அவளது ஆவணங்களில் என் கட்சிக்காரரின் மனைவி பெயர் இனிசியலாக மாற்றப்பட்டுள்ளது; இது, எதிர்காலத்தில் இன்சூரன்ஸ் நிறுவனத்தில் பெரும் பாதிப்பை ஏற்படுத்தும்.இவ்வாறு அவர் வாதிட்டார்.

அவரது வாதத்தை நிராகரித்த நீதிபதி உத்தரவிட்டதாவது:குழந்தை தன் விருப்பப்படி தந்தை அல்லது தாய் பெயரை இனிசியலாக பயன்படுத்த உரிமை உள்ளது. தேவைப்படும் இடத்தில் குழந்தையின் பள்ளிச் சான்றிதழில் உள்ள தந்தை பெயரை காண்பித்துக் கொள்ளலாம். இவ்வாறு உத்தரவிட்ட நீதிபதி அம்மனுவை தள்ளுபடி செய்தார்.

மருத்துவ படிப்புகளில் அ.இ.ஒதுக்கீட்டில் 69 சதவீத இட ஒதுக்கீடு அளிக்கப்படவேண்டும்

 

July 19, 2021 • Viduthalai

 சென்னை உயர்நீதிமன்றம் அறிவுறுத்தல்

சென்னை, ஜூலை 19 மருத்துவ படிப்பில் அகில இந்திய ஒதுக்கீட்டில் பிற்படுத்தப் பட்டோருக்கு 69 சதவீதத்தை அளிக்க வேண்டும் என்று சென்னை உயர்நீதிமன்றம் அறிவுறுத்தியுள்ளது.

மருத்துவ படிப்புகளில் அகில இந்திய ஒதுக்கீட்டு இடங்களில் இதர பிற்படுத்தப் பட்ட வகுப்பினருக்கு இட ஒதுக்கீடு வழங்கக் கோரி திமுக, உள்ளிட்ட கட்சி களின் சார்பில் தொடரப்பட்ட வழக்கை விசாரித்த சென்னை உயர்நீதிமன்றம், இந்த இட ஒதுக்கீடு வழங்குவது தொடர்பாக குழு அமைத்து ஆய்வு செய்து, 2021-2022 ஆம் கல்வியாண்டு முதல் அமல்படுத்த  வேண் டும் என 2020 ஜூலையில் உத்தரவிட்டது. அதன் அடிப்படையில் அமைக்கப்பட்ட குழு, தமிழ்நாட்டில் அமலில் உள்ள 69 சதவீத இட ஒதுக்கீட்டை வழங்கவேண்டும் என பரிந்துரை அளித்தும், உச்சநீதிமன் றத்தில்  நிலுவையில் உள்ள வழக்கை காரணம் காட்டி, சென்னை உயர்நீதிமன்ற உத்தரவை அமல்படுத்தவில்லை எனக் கூறி திமுக தரப்பில் நீதிமன்ற அவமதிப்பு வழக்கு தொடரப்பட்டது.இந்த வழக்கு தலைமை நீதிபதி சஞ்சிவ் பானர்ஜி மற்றும் நீதிபதி செந்தில்குமார் ராமமூர்த்தி அடங்கிய அமர்வில் விசாரணைக்கு வந்த போது, திமுக தரப்பில் ஆஜரான மூத்த வழக்குரைஞர் வில்சன், உச்ச நீதிமன்றத்தில் நிலுவையில் உள்ள வழக்குக்கும், உயர் நீதிமன்றம் பிறப்பித்த உத்தரவுக்கும் எந்த தொடர்பும் இல்லை எனவும், 2021-2022 ஆம் கல்வியாண்டில் இடஒதுக்கீடு உத் தரவு அமல்படுத்தப்படும் என ஒன்றிய அரசு உறுதியளித்தும், அதை அமல்படுத்த வில்லை எனவும், இது  நீதிமன்ற  அவமதிப்பு செயல் எனவும் வாதிட்டார்.

ஒன்றிய அரசுத் தரப்பில் ஆஜரான கூடுதல் சொலிசிட்டர் ஜெனரல் சங்கர நாராயணன் மற்றும் ஒன்றிய அரசு வழக் குரைஞர் சந்திரசேகரன் ஆகியோர், மனுவில் 50 சதவீத இட ஒதுக்கீடு கேட்டு விட்டு, தற்போது 69 சதவீத இட ஒதுக்கீடு கோருவதாகவும், இடஒதுக்கீடு வழங்க தயாராக இருப்பதாகவும் தெரிவித்தனர்

மேலும், எந்த நீதிமன்ற அவமதிப்பும் செய்யவில்லை எனவும், இந்த வழக்கு விசாரணைக்கு உகந்ததல்ல எனவும் ஒன்றிய அரசுத்தரப்பில் வாதிடப்பட்டது. இதையடுத்து, உயர்நீதிமன்ற உத்தர வின்படி, 69 சதவீத இடஒதுக்கீட்டை அமல்படுத்த வேண்டும் என அறிவுறுத்திய நீதிபதிகள், தமிழ்நாட்டில் பின்பற்றப்படும் 69 சதவீத இட ஒதுக்கீட்டை 2021-2022 ஆம் கல்வியாண்டில் எப்படி அமல் படுத்தப்படும், இந்த விவகாரத்தில் ஒன்றிய அரசின் நிலைப்பாடு என்ன என்பது குறித்து அடுத்த வாரம் தெரிவிக்க வேண்டும் என உத்தரவிட்டு, விசார ணையை ஜூலை 26 ஆம் தேதிக்கு தள்ளிவைத்தனர்.

தமிழ் வழியில் படித்தவர்களுக்கான 20 சதவீத ஒதுக்கீடு!

 

July 21, 2021 • Viduthalai

உயர்நீதிமன்ற மதுரை கிளை உத்தரவு

மதுரை, ஜூலை 21- குரூப் 1 தேர்வில் தமிழ் வழியில் படித்தவர்களுக்கான 20% ஒதுக்கீட்டை நடை முறைப்படுத்த டிஎன்பி எஸ்சிக்கு உயர்நீதிமன்ற மதுரை கிளை உத்தர விட்டுள்ளது.

குரூப் 1 தேர்வு முடிவு களை மாற்றி அமைத்து உத்தரவை பின்பற்றினால் அதிகாரிகள் நியமனம் செய்ய காலதாமதம் ஏற் பட வாய்ப்பு உள்ளது என தமிழ்நாடு அரசு பணியாளர் தேர்வாணை யம் சார்பில் உயர்நீதிமன்ற மதுரை கிளையில் மனு தாக்கல் செய்யப்பட்டது.

இந்நிலையில், இந்த மனு மீதான விசாரணை நீதிபதிகள் கிருபாகரன், புகழேந்தி அமர்வு முன்பு விசாரணைக்கு வந்தது. அப்போது அரசு தரப்பில், ஜனவரி 2020இல் குரூப் 1 தேர்வுக்கு முடிவுகள் வெளி யிடப்பட்டுள்ளது. மீண்டும் உயர்நீதமன்ற உத்தரவின்படி குரூப் 1 தேர்வு முடிவுகளை மாற்றி அமைத்து உத்தரவை பின் பற்றினால் அதிகாரிகள் நியமனம் செய்ய கால தாமதம் ஏற்பட வாய்ப்பு உள்ளது என தெரிவிக்கப் பட்டது.

இதை தொடர்ந்து நீதிபதிகள் கூறுகையில், 2020 பிப். 9 ஆம் தேதி டி.என்.பி.எஸ்.சி. வெளியிட்ட குரூப் 1 முதல்நிலை தேர்வு முடிவில் இருந்தும் விலக்கு தர முடியாது என்றும், ஆங்கிலவழியில் பள்ளி படிப்பை முடித்து விட்டு, பட்டப்படிப்பு மட்டும் தமிழ் வழியில் படித்தவர்களுக்கு 20% ஒதுக்கீடு செய்யலாமா? என கேள்வி எழுப்பினர். தொடர்ந்து, மதுரை காம ராஜர் பல்கலைக்கழகம் உள்ளிட்ட சில பல்கலைக் கழகங்களில் தமிழ் வழி யில் படித்ததற்கான சான் றிதழை முறைகேடாக பெற்று வேலைக்கு சேர் கின்றனர் அது குறித்து தமிழ்நாடு அரசு விசாரிக்க வேண்டும் என கருத்து தெரிவித்த நீதிபதிகள் தமிழ்நாடு அரசு பணியா ளர் தேர்வாணையத்தின் மனுவை தள்ளுபடி செய்து உத்தரவிட்டனர்.

மேலும் 2020 டிஎன்பி எஸ்சி குரூப் 1 முடிவிலி ருந்து 1 வகுப்பு முதல் பட் டப்படிப்பு வரை தமிழ் வழியில் படித்தவர்களுக்கு 20% ஒதுக்கீட்டை நடை முறைப்படுத்த டிஎன்பி எஸ்சிக்கு உயர்நீதிமன்ற மதுரை கிளை நீதிபதிகள் உத்தரவிட்டுள்ளனர்.

அரசு பள்ளி மாணவர்களுக்கு 7.5% உள்ஒதுக்கீடுக்கு எதிரான மனு தள்ளுபடி: உச்சநீதிமன்றம்!!

 

July 21, 2021 • Viduthalai

புதுடில்லி, ஜூலை 21 தமிழ் நாட்டில் மருத்துவப் படிப் பில் அரசு பள்ளி மாண வர்களுக்கு 7.5% உள் ஒதுக்கீடு வழங்குவதற்கு எதிராக தாக்கல் செய்யப் பட்ட மேல்முறையீட்டு மனுவை உச்சநீதிமன்றம் தள்ளுபடி செய்துள்ளது.

நீட் தேர்வு வந்த பிறகு அரசுப் பள்ளி மாணவர் கள் மருத்துவப் படிப்பில் சேருவது வெகுவாக குறைந்தது. நீட் தேர்வில் தேர்ச்சி பெற்றிருந்தாலும் கூட கட் ஆப் மதிப்பெண் காரணமாக மருத்துவப் படிப்பில் சேர முடியாத நிலை இருந்தது. இதனால் நீட் தேர்வில் தேர்ச்சி பெற்ற அரசுப் பள்ளி மாண வர்களுக்கு மருத்துவப் படிப்பில் 7.5 சதவித உள் ஒதுக்கீடு வழங்கி தமிழ் நாடு அரசு அரசாணை வெளியிட்டது.

ஆனால் இந்த சட்டத் திற்கு எதிராக தனியார் மற்றும் அரசு உதவி பெறும் பள்ளிகள் தங்க ளுக்கும் இதே உள் ஒதுக் கீட்டை வழங்க வேண்டும் என பல கல்வி நிறுவனங் கள் மற்றும் மாணவர்கள் தரப்பில் சென்னை உயர் நீதிமன்றத்தில் வழக்கு தொடரப்பட்டது. ஆனால் இந்த விவகாரத்தில் அரசு தரப்பு வாதங்களை ஏற் றுக்கொண்ட நீதிமன்றம், 7.5சதவீத  உள்ஒதுக்கீடுக்கு எதிரான மனுக்களை தள் ளுபடி செய்து உத்தரவிட்டது.

இந்த நிலையில் உயர் நீதிமன்ற உத்தரவிற்கு எதி ராக புதுக்கோட்டையைச் சேர்ந்த ராஜஸ்சிறீ என்ப வர் தரப்பில் உச்ச நீதிமன் றத்தில் மேல்முறையீட்டு மனு தாக்கல் செய்யப்பட் டது. அதில்,’ 12ஆம் வகுப்பு மட்டுமே அரசு பள்ளியில் படித்திருந்தாலும் அந்த மாணவர்களுக்கும் 7.5 சதவீத இட ஒதுக்கீட்டை மருத்துவப் படிப்பில் வழங்க வேண்டும் என தெரிவித்திருந்தார். மேலும் திருச்சியைச் சேர்ந்த ஜோனிஸ்ராஜ் என்பவர் தரப்பிலும் ஒரு ரிட் மனுவும் தாக்கல் செய்யப்பட்டது. அதில்,’ தமிழ்நாட்டில் அரசு பள்ளி மாணவர்களுக்கு 7.5 % உள்  ஒதுக்கீடு வழங்குவது என்பது அரசமைப்புக்கு எதிரானது. அதனால் இந்த சட்டத்தை உடன டியாக ரத்து செய்யவேண் டும் எனத் தெரிவித்திருந் தார்.

இந்த நிலையில் மேற் கண்ட மனு உச்ச நீதிமன் றத்தின் நீதிபதிகள் நாகேஸ் வராவ் மற்றும் அனுருத்தா போஸ் அமர்வில் விசார ணைக்கு வந்தது. அப் போது நீதிபதிகள் பிறப் பித்த உத்தரவில்,’  அரசு பள்ளியில் படித்த மாண வர்களுக்கு மட்டும் மருத் துவப் படிப்பில் 7.5% உள் ஒதுக்கீடு வழங்குவது என்பது மாநில அரசின் கொள்கை சார்ந்தது. ஆகவே இதில் நீதிமன்றம் தலையிட முடியாது.

அதனால் மேல்முறை யீட்டு மனு தள்ளுபடி செய்கிறோம்,’என்று தெரிவித்தனர். இதைத் தொடர்ந்து ரிட் மனுவை விசாரித்த நீதிபதிகள், முத லில் உயர்நீதிமன்றத்தைத் தான் அணுக வேண்டும் எனக்கூறி வழக்கை முடித்து வைத்துனர்.

உச்சநீதிமன்றத்தின் வரவேற்கத்தக்க தீர்ப்பு (அரசின்மீதான விமர்சனம் தேசத் துரோகம் ஆகாது - உச்சநீதிமன்றத் தீர்ப்பு)

June 04, 2021 • Viduthalai

 அரசின்மீதான விமர்சனம் தேசத் துரோகம் ஆகாது - உச்சநீதிமன்றத் தீர்ப்பு

உச்சநீதிமன்றத்தில் நேற்று (3.6.2021) ஜஸ்டீஸ்   U.U. லலித், ஜஸ்டீஸ் வினீத் சரண் ஆகியோரைக் கொண்ட அமர்வு, ஒரு வரலாற்று முக்கியத்துவம் வாய்ந்த தீர்ப்பை அளித்துள்ளது.

தேசத்துரோக வழக்கு செல்லாது

ஜனநாயகத்தில்- அரசியல் சட்டம் அளித்துள்ள கருத்துரிமை, எழுத்துரிமை, பேச்சுரிமை என்பதையொட்டி இமாச்சலப் பிரதேசத்தில் உள்ள வினோத் துவா என்ற பத்திரிகையாளர், மத்தியில் ஆளும் பிரதமர் மோடி தலைமையிலான பா.ஜ.க. அரசின் 'கோவிட்' என்ற கரோனா தொற்றில் எடுத்துள்ள நிலைப்பாடு பற்றியும், கடந்த 2019ஆம் ஆண்டு தேர்தலில் புல்வாமா, பாலாகோட் தீவிரவாதிகளுக்கு எதிரான தாக்குதல் வெற்றியைக் காட்டி வாக்குச் சேகரிக்கப் பயன்படுத்திக் கொண்ட பிரச்சார நடவடிக்கைகள் என விமர்சித்து, 2020 மார்ச் 30ஆம் தேதி (30.3.2020) எழுதப்பட்ட கருத்துகளுக்காக, அப்பத்திரிகையாளர்மீது 124A செக்ஷன் (Sedtion) என்ற  தேசத் துரோக வழக்கு போடப்பட்டுள்ளது செல்லாது; பிரதமர் மோடி அரசின் செயல்பாடு குறித்து பத்திரிகையாளர்  விமர்சிப்பது தேசத்துரோகத்தின் கீழ் ஒரு போதும் வராது.

அரசு எடுக்கும் நடவடிக்கைகள் பற்றி விமர்சிப்பது, உடனடியாக அதற்குத்தக்க பரிகாரம் தேவை; நிலைமைகளைச் சீர்திருத்த வேண்டும் என்ற நோக்கத்தில்தானே தவிர, வேறு நோக்கத்தோடு அல்ல. எனவே, அது ஒரு போதும் அரசுக்கு எதிரான தேசத் துரோகக் குற்றம் ஆகாது என்பதும், இமாச்சல அரசின் இதன் மூலம் மக்களிடையே இவர் பீதியைக் கிளப்பினார் என்ற குற்றச்சாட்டு ஏற்கக் கூடியதல்ல என்றும் தீர்ப்பில் குறிப்பிடப்பட்டுள்ளது.

இந்தக் கருத்தைக் கூறிய பத்திரிகை யாளர் வினோத்துவாமீது, வீடியோ பரப்பிய 37 நாள்களுக்குப் பிறகு பா.ஜ.க. அரசில் ஒருவர் கொடுத்த புகாரின் மீது முதல் தகவல் அறிக்கை (FIR) தாக்கல் செய்யப்பட்டது.

இ.பி.கோ 124A  மற்றும் அவதூறு பிரிவுகள் இ.பி.கோ. 501, 505 ஆகிய செக்ஷன்களின் கீழ் இப்படி வழக்குப் பதிவு செய்தது செல்லாது; இந்த நீதிமன்றம் (உச்சநீதிமன்றம்) அதனை ரத்து செய்கிறது.

1962லும் தீர்ப்பு....

1962ஆம் ஆண்டு இதே உச்சநீதிமன்றம் கேதார்நாத்சிங் என்பவர் வழக்கில் 5 நீதிபதிகளைக் கொண்ட அமர்வு இந்த தேசத் துரோகக் குற்றச்சாற்றுகள் பற்றிய வழக்கில் கொடுத்த தீர்ப்பின் அடிப்படையிலும், அதையொட்டி வந்த பல தீர்ப்புகளின் அடிப்படையிலும் இத்தீர்ப்பு வழங்கப்படுகிறது.

குற்றம் சுமத்தப்பட்டவர் வன்முறையை தூண்டுபவராக  அரசுக்கு எதிராக அவர் கருத்து அமைந்தால் மட்டுமே குற்றச்சாற்றாக ஏற்க இயலும்.

அரசு எடுத்த நடவடிக்கைகள் பற்றி விமர்சிக்க எந்த  குடிமக்களுக்கும் உரிமை உண்டு என்று உச்சநீதிமன்றம் இந்தத் தீர்ப்பில் தெளிவாக விளக்கியிருக்கிறது.

ஜனநாயகத்தின் நான்காவது தூண்

ஜனநாயகம் என்ற மக்களாட்சியில், ஆளுவோர் மக்களால் தேர்ந்தெடுக்கப் படுகிறார்கள்; அவர்கள் பாதை தவறும் போதோ அல்லது அதிகார அத்துமீறலுக்கு ஆளாகும் நிலைகளை எடுக்கும் நடவடிக்கைகளில் ஈடுபடும்போதோ, ஜனநாயகத்தின் நான்காவது தூண் என்று கூறப்படும் பத்திரிகைகள், ஊடகங்கள் எடுத்து வைக்கும் விமர் சனங்களையெல்லாம் எடுத்த எடுப்பிலேயே 124A தேசத் துரோகம் - அரசுக்கு எதிராக 501, 505 போன்ற இ.பி.கோ. பிரிவுகளின்கீழ் வழக்குகள் போடுவது ஏற்புடைத்தல்ல.

இடிப்பாரை இல்லாத ஏமரா மன்னன்

கெடுப்பார் இலானும் கெடும். (குறள் - 448)

ஆளுவோர் - அவர்கள் எக்கட்சியின ராக இருந்தாலும், உள்நோக்கம் இல்லாமல் செய்யப்படும் வரை எந்த விமர்சனங்களையும் அவை எவ்வளவு கடுமையாக இருந்தாலும் - குற்றமாக அதைக் கருதக் கூடாது வரவேற்கவே வேண்டும். தங்களது போக்கில், நடவடிக்கைகளில் மாற்றத்தை ஏற்படுத்திக் கொண்டால்தான், உண்மையான ஜனநாயகம் நிலைக்க முடியும்.

கருத்து சுதந்திரம் அடிப்படை உரிமை

கருத்துச் சுதந்திரம் அடிப்படை உரிமையாக ஒவ்வொரு குடிமகனுக்கும் - மகளுக்கும் வழங்கியுள்ள அரசியல் சட்டத்தின் மீது ஆட்சிப் பொறுப்பேற்கும் ஆளுவோர் அரசியல் சட்டம்மீது பிர மாணம் எடுப்பதன் தத்துவம் அப்போதுதான் பொருள் உள்ளதாக அமையும்

சிறப்பான தீர்ப்பு இது. உச்சநீதிமன்ற இரு நீதிபதிகள் கொண்ட அமர்வு அளித்துள்ளது. ஜனநாயக காப்புரிமையைப் பாதுகாக்கும் இத்தீர்ப்பை வரவேற்கிறோம்.

 கி.வீரமணி

 தலைவர்

திராவிடர் கழகம்

சென்னை     

4.6.2021               

பெற்றோர் அறிந்து கொள்ளவேண்டிய சட்டம்

விழிப்புணர்வு : 

அண்மைக் காலமாக இந்தியாவில் குழந்தைகள் மீதான பாலியல் வன்கொடுமைகள் அதிகரித்த வண்ணமுள்ளன. இந்த வன்முறைகள் குழந்தைகளுக்குப் பள்ளிகளில் ஆசிரியர் மூலமாகவும், நெருங்கிய உறவினர்கள் மூலமாகவும், நண்பர்கள் மூலமாகவும் நிகழ்ந்தபடி இருக்கின்றன. நல்ல தொடுதல், கெட்ட தொடுதல் பற்றி பிள்ளைகளுக்கு எடுத்துக்கூறி சில பேரிடம்  நெருங்கிய தொடர்பை ஏற்படுத்தாது இருக்கவும், பெற்றோர்கள் அவர்களுக்குச் சொல்லிக் கொடுக்க வேண்டியது காலத்தின் கட்டாயம். கரோனா காலத்தில் இதுபோன்று குழந்தைகள், பெண்கள் மீதான பாலியல் வன்முறை அதிகரித்து உள்ளதாக புள்ளி விவரங்கள் தெரிவிக்கின்றன. ஒரு பக்கம் குழந்தைகளுக்கு விழிப்புணர்வை நாம் ஏற்படுத்தி வந்தாலும், அதற்காக ஏற்படுத்தப்பட்ட சட்டத்தின் கூறுகளையும் தெரிந்து வைத்துக் கொள்வோம்.

போக்ஸோ சட்டம் கூறுவது என்ன?

18 வயதுக்குக் குறைவான அனைத்துக் குழந்தைகளும் பாலின வித்தியாசமின்றி பாலியல் துன்புறுத்தலில் இருந்து காப்பதற்காக கொண்டு வரப்பட்ட சட்டம் இது.

¨           இந்த சட்டம் 2012 ஆம் ஆண்டு முதல் செயல்பாட்டில் இருந்து வருகிறது. குழந்தைகளுக்கு எதிரான குற்றங்களும், அதற்கான தண்டனைகளும் என்னவென்று பார்ப்போம்.

¨           போக்ஸோ சட்டம் பிரிவு 3 மற்றும் 4ன் படி குழந்தைகளை பாலியல் வன்புணர்ச்சிக்கு உட்படுத்துவது குற்றம்: இதற்கு குறைந்தபட்ச தண்டனை 7 ஆண்டுகளாகவும், அதிகபட்ச தண்டனை ஆயுள் தண்டனையாகவும் உள்ளது. கூடவே அபராதமும் விதிக்கப்படும்.

¨           போக்ஸோ சட்டம் பிரிவு 5 மற்றும் 6இன் படி குழந்தைகளை பாலியல் வன்கொடுமைக்கு உள்ளாக்கியவர்கள், குழந்தைகளின் பெற்றோர், கார்டியன், ஆசிரியர் அல்லது காவல் துறை அதிகாரியாக இருந்தால் அவர்களுக்கு குறைந்தபட்சம் 10 ஆண்டுகள் சிறையும் அதிகபட்சமாக ஆயுள் தண்டனையும் வழங்கப்படும். அபராதமும் உண்டு.

¨           போக்ஸோ சட்டம் பிரிவு 7 மற்றும் 8ன் படி குழந்தைகளை அவர்களின் அந்தரங்க உறுப்புகளைத் தொடுவது, அல்லது மற்றவரின் அந்தரங்க உறுப்புகளை கட்டாயப்படுத்தி, தொடவைப்பது குற்றம். அதாவது பாலியல் சீண்டல்கள் செய்வது. குற்றவாளிக்கு குறைந்தபட்ச தண்டணையாக 3 ஆண்டுகள் சிறைத் தண்டணையும், அதிகபட்சமாக 8 ஆண்டுகள் சிறைத் தண்டனையும் வழங்கப்படும். அபராதமும் உண்டு.

¨           போக்ஸோ சட்டம் பிரிவு 9 மற்றும் 10ன் படி குழந்தைகளை பாலியல் சீண்டல்கள் செய்தவர்கள் குழந்தையின் பெற்றோர், கார்டியன், ஆசிரியர் அல்லது காவல் துறை அதிகாரியாக இருந்தால் அவர்களுக்கு குறைந்த பட்சம் 5 ஆண்டுகள் சிறையும் அதிகபட்சமாக 7 ஆண்டு சிறைத் தண்டனையும் வழங்கப்படும். அபராதமும் உண்டு.

¨           போக்ஸோ சட்டம் பிரிவு 11 மற்றும் 12ன் படி குழந்தைகளை பாலியல் ரீதியாக செய்கைகள் காட்டுவது, தொலைபேசி, அலைபேசியில் ஆபாசமாகப் பேசுவது, மின்னஞ்சல் அனுப்புவது, திட்டுவது, பாலியல் இச்சைக்கு அழைப்பது குற்றம். குற்றவாளிக்கு அபராதம் அல்லது அதிகபட்சம் 3 ஆண்டுகள் சிறை தண்டனை வழங்கப்படும்.

¨           போக்ஸோ சட்டம் பிரிவு 13 மற்றும் 14ன் படி குழந்தைகள் தொடர்பான ஆபாசப் படங்களை எடுப்பது, விற்பது, தயாரிப்பது, மற்றவருக்குக் கொடுப்பது குற்றம். இது இணைய தளம், கணிணி என எந்த தொழில்நுட்ப ரீதியில் இருந்தாலும் குற்றமே. இதற்கு குறைந்தபட்சம் 5 ஆண்டுகள் சிறைத் தண்டனையும், அதிகபட்சம் 7 ஆண்டுகள் சிறைத் தண்டனையும் , அபராதமும் விதிக்கப்படும்.

¨           போக்ஸோ சட்டம் பிரிவு 18இன் படி குழந்தைகளுக்கு எதிரான பாலியல் குற்றங்களுக்கு ஈடுபட முயன்றால் 1 வருட சிறை தண்டனையும் அபராதமும் விதிக்கப்படும்.

¨           குழந்தைகளுக்கு எதிரான பாலியல் குற்றங்களுக்கு உடந்தையாக இருப்பதும் குற்றமே, குற்றமிழைத்தவருக்கு வழங்கப்படும் பிரிவுகளிலேயே தண்டனை வழங்கப்படும்.

¨           குழந்தைகளுக்கு எதிரான பாலியல் குற்றத்தை மறைத்தாலும் பிரிவு 21இன் படி குற்றம். இதற்கு 6 மாத சிறை தண்டனை இல்லை என்றால் அபராதம் விதிக்கப்படும்.

¨           இதில் அதிகபட்சம் ஆயுள் தண்டனை என்ற ஷரத்தில் மாற்றம் கொண்டு வந்து மரண தண்டனை என்ற சட்டத்திருத்தத்தை அவசரச்சட்டமாக மத்திய அரசு கொண்டு வந்துள்ளது. வயது வரம்பும் 18இல் இருந்து 16 மற்றும் 12 என வகைப்படுத்தப்பட்டு பிரிவுகள் சேர்க்கப்பட்டுள்ளது.

பாதிக்கப்பட்டவர்களுக்கான இழப்பீடு

¨           போக்ஸோ வழக்கை விசாரிக்கும் சிறப்பு நீதிமன்றம், பாதிக்கப்பட்டோரின் தேவையைப் பொறுத்து தாமாகவோ அல்லது அவர்கள் அளிக்கும் மனுவின் அடிப்படையிலோ, இடைக்கால நிவாரணம் வழங்கலாம் என்பது சட்டமாகும்.

¨           குழந்தை பாதிக்கப்பட்டிருக்கும் நிலைமையில் வழக்கின் இறுதியில், குற்றவாளி தண்டனை பெற்றாலும், விடுவிக்கப்பட்டாலும் பாதிக்கப்பட்டோருக்கு நிவாரணம் வழங்கலாம். பாதிக்கப்பட்டோரின் உடல் காயம், மன உளைச்சல், மருத்துவச் செலவு, குடும்பத்தின் பொருளாதார நிலை ஆகியவற்றைக் கணக்கில் எடுத்துக் கொள்ள வேண்டும்.

¨           மன/உடல் நிலை சரியில்லாமல் அல்லது விசாரணை வழக்குக்குச் செல்வதற்கும் பள்ளிக்குச் செல்லவும் முடியாத நிலைமை ஏற்பட்டால் அதையும் கணக்கில் எடுக்க வேண்டும்.

¨           எச்.அய்.வி. தாக்கியிருந்தால், கர்ப்பமாகி விட்டால், ஊனமடைந்துவிட்டால் அவையும் கணக்கில் எடுத்துக் கொள்ளப்பட்டு இழப்பீடு வழங்கப்பட வேண்டும்.

¨           மாநில அரசே இந்த இழப்பீட்டுத் தொகையை வழங்க வேண்டும். நீதிமன்ற உத்தரவு பெற்று 30 நாள்களுக்குள் இது அளிக்கப்பட வேண்டும்.

¨           பாதிக்கப்பட்ட குழந்தைக்கும் பெற்றோருக்கும் இச்சட்ட விதிகள் கூறப்பட வேண்டும் என்பது கட்டாயமாக்கப்பட்டிருக்கிறது. தேசிய/மாநில குழந்தைகள் உரிமைப் பாதுகாப்பு ஆணையம்தான் இச்சட்டத்தின் அமலாக்கத்தைக் கண்காணிக்க வேண்டும்.

சட்டப் பிரிவு 33(8)இன்படி வழக்கின் நீதிபதி பாதிக்கப்பட்டவர்களுக்கு இழப்பீடு வழங்கலாம். ஆனால்,

மக்களின் எதிர்பார்ப்பு மற்றும் பரிந்துரை

¨           பாதிக்கப்பட்ட குழந்தைகளுக்கு ஏற்ற சூழல் நீதிமன்றத்தில் நிலவ வேண்டும்.

¨           போக்சோ சட்டப் பிரிவு 35(2)ன்படி, வழக்கு பதியப்பட்ட ஒரு வருடத்திற்குள், இதற்கான தீர்ப்பு விரைந்து வழங்கப்பட வேண்டும்.

¨           32(1)இன்படி, இப்படிப்பட்ட வழக்குகளை விசாரிப்பதற்கென்றே, தனியாக சிறப்பு அரசு வழக்குரைஞர்கள் நியமிக்கப்பட வேண்டும்.

¨           ஜனவரி 8, 2020 அன்று உச்சநீதிமன்றம் அளித்த உத்தரவின்படி, சென்னை, கோயம்புத்தூர், செங்கல்பட்டு, நாகர்கோவில், மதுரை உள்ளிட்ட பதினாறு மாவட்டங்களில் சிறப்பு நீதிமன்றங்கள் அமைக்கப்பட்டுள்ளன. இவ்வழக்குகளில் மட்டும் கவனம் செலுத்தி வாதாடுவதற்காக, பதினாறு அரசு வழக்குரைஞர்கள் நியமிக்கப்பட்டுள்ளார்கள்.

இதுபோல் இந்தியா முழுவதும் உடனடியாகச் செயல்படுத்த வேண்டியது காலத்தின் கட்டாயம்.

                                                                - ச.குமார்

- உண்மை இதழ், 1-15.5.21

உச்சநீதிமன்றத் தீர்ப்பை ஏற்பார்களா? ஜாதி மறுப்பு திருமணங்கள்தான் சமூகப் பதற்றங்களைத் தணிக்கும் வழி என்று உச்ச நீதிமன்றம் தீர்ப்பு வழங்கியுள்ளது

Home -> உச்சநீதிமன்றத் தீர்ப்பை ஏற்பார்களா? ஜாதி மறுப்பு திருமணங்கள்தான் சமூகப் பதற்றங்களைத் தணிக்கும் வழி என்று உச்ச நீதிமன்றம் தீர்ப்பு வழங்கியுள்ளது

கர்நாடகாவைச் சேர்ந்த ஜாதி மறுப்புத் திருமணம் செய்துகொண்ட தம்பதியினர் தங்களது குடும்ப உறுப்பினர்களிடமிருந்து பாதுகாப்புக் கோரி உச்ச நீதிமன்றத்தை நாடினர். இந்த வழக்கை நீதிபதிகள் சஞ்சய் கிஷன் கவுல் மற்றும் ஹிருஷிகேஷ் ராய் ஆகியோர் அடங்கிய அமர்வு விசாரித்தது.

இந்த விசாரணையில், “சமுதாய விதிமுறைகளுக்கு அப்பாற்பட்டு திருமணம் செய்துகொள்ளும் இளைஞர்களுக்கு நீதிமன்றங்கள் உதவுகின்றன. ஜாதி மறுப்புத் திருமணம் செய்யும் இளைஞர்கள், இந்தியாவில் ஜாதி மற்றும் சமூகப் பதற்றங்களைக் குறைக்க முன்னோக்கிச் செல்லும் வழியைக் காட்டுகிறார்கள். படித்த இளைஞர்கள், இளம் பெண்கள் தங்கள் வாழ்க்கைத் துணையைத் தாங்களே தேர்வு செய்கிறார்கள். இது ஜாதி மற்றும் சமூகம் முக்கிய பங்கு வகிக்கும் சமூகத்தின் முந்தைய விதிமுறைகளிலிருந்து விலகிச் செல்கிறது. இதுபோன்ற திருமணங்கள்தாம் ஜாதி மற்றும் சமூகப் பதற்றங்கள் குறையவும், முன்னோக்கிச் செல்லவும் இருக்கும் வழி’’ என்று தெரிவித்தது.

மேலும் நீதிபதி கவுல், “ஜாதியை நிர்மூலமாக்க உண்மையான தீர்வு திருமணமாகும் என்று நான் நம்புகிறேன். ரத்தத்தின் இணைவு மட்டுமே உறவினர் மற்றும் உறவினர் என்ற உணர்வை உருவாக்க முடியும். மேலும் இந்த உறவினரின் உணர்வு, அன்பாக இருப்பது’’ என்ற இந்திய அரசமைப்புச் சட்டத்தின் தந்தை அம்பேத்கரின் வரிகளை மேற்கோள்காட்டினார்.

மேலும், “ஜாதி மற்றும் சமூகத்தின் விதிமுறைகளுக்கு அப்பாற்பட்டு திருமணம் செய்யும் இளைய தலைமுறை, பெரியவர்களிடமிருந்து அச்சுறுத்தல்களை எதிர்கொள்கிறனர். இந்த இளைஞர்களின் உதவிக்கு நீதிமன்றங்கள் இருக்கின்றன. சில குடும்பங்கள் தங்கள் குழந்தைகளையும் வாழ்க்கைத் துணையையும் அந்நியப்படுத்த ஜாதி மற்றும் சமூகத்தைப் பயன்படுத்துவதற்கான நடைமுறை நீக்கப்பட வேண்டும். இத்தகைய நடைமுறை விரும்பத்தக்க சமூகப் பயிற்சியாக இருக்க முடியாது’’ என்றார்.

இதனை அடுத்து இரண்டு நீதிபதிகளும் சேர்ந்து, “வயதுவந்த இரண்டு நபர்கள் திருமணம் செய்ய ஒப்புக் கொண்டதும், அவர்களின் சம்மதத்திற்கு முதன்மையாக முக்கியத்துவம் கொடுக்கப்பட வேண்டும். குடும்பம் அல்லது சமூகம் அல்லது குலத்தின் ஒப்புதல் தேவையில்லை.

எனவே, அடுத்த எட்டு வாரங்களில் போலீஸ் அதிகாரிகள் இந்த வழக்கு சார்பாக நடவடிக்கை எடுப்பார்கள் என்று நாங்கள் எதிர்பார்க்கிறோம். இதுபோன்ற சமூக முக்கியத்துவம் வாய்ந்த வழக்குகளை எவ்வாறு கையாள்வது என்று சில வழிகாட்டுதல்கள் மற்றும் பயிற்சித் திட்டங்களை வகுக்க வேண்டும்’’ என்று கூறி உத்தரவிட்டனர்.

‘துக்ளக்கும்’ ‘விஜயபாரதமும்’ பார்ப்பனர் சங்கமும் உச்சநீதிமன்றத்தின் இந்தத் தீர்ப்புக்கு என்ன பதில் சொல்லப் போகின்றன? ‘ஹிந்துத்துவா’ என்பது மதமல்ல - வாழ்வியல் முறை என்று உச்சநீதிமன்றம் கூறியது என்று உச்சநீதிமன்றத்தை முன்னிறுத்தி தங்களை வலிமைப்படுத்திக் கொள்ளும் பா.ஜ.க., சங்பரிவார்  -  உச்சநீதிமன்றத்தின் இந்தத் தீர்ப்பை ஏற்றுக் கொள்வார்களா?

- உண்மை இதழ், ஏப்ரல் 16 -30 .21