சென்னை, மே 7- குடும்ப ஓய்வூதியம் பெற முதல் மனைவிக்கே முழு உரிமை உள்ளது என்று கூறி 3 ஆவது மனைவி தாக்கல் செய்த மனுவை சென்னை உயர்நீதிமன்றம் தள்ளுபடி செய்து உத்தரவிட்டுள்ளது.
சென்னையில் மண்டல வானிலை ஆராய்ச்சி மய்யத்தில் தொழில் முறை உதவியாளராக பணியாற்றிவர் எம். ஹேமாத்திரி. இவருக்கு திருமணமாகி நதாகுமாரி என்ற மனைவியும், 2 மகன் கள், ஒரு மகளும் உள்ளனர். இதற்கி டையில் மேலும் 2 பெண்களை ஹேமாத்திரி திருமணம் செய்துள் ளார்.
1992 ஆம் ஆண்டு ஓய்வுபெற்ற ஹேமாத்திரி, 1996 ஆம் ஆண்டு இறந்து விட்டார். இதையடுத்து, அவரது மூன்றாவது மனைவி எம். சூரியகுமாரி, குடும்ப ஓய்வூதியத்தில் 50 சதவீதம் தனக்கு வழங்கவேண்டும் என்று சென்னையிலுள்ள மத்திய நிர்வாக தீர்ப்பாயத்தில் வழக்கு தொடர்ந்தார்.
இந்த வழக்கை விசாரித்த மத்திய நிர்வாக தீர்ப்பாயம், வழக்கை தள்ளுபடி செய்து உத்தரவிட்டது.
இந்த உத்தரவை எதிர்த்து சென்னை உயர்நீதிமன்றத்தில், சூரிய குமாரி வழக்கு தொடர்ந்தார். இந்த வழக்கை விசாரித்த நீதிபதிகள் தர்மா ராவ், எம்.வேணுகோபால் ஆகியோர் பிறப்பித்த உத்தரவில் கூறியிருப்ப தாவது:-
மத்திய அரசு சார்பில் ஆஜரான வழக்குரைஞர், சென்னையிலுள்ள மண்டல வானிலை ஆராய்ச்சி மய் யத்தில் 1956 ஆம் ஆண்டு ஹேமாத்திரி பணியில் சேர்ந்தார். அவர், ஓய்வு பெறுவதற்கு முன்பு, குடும்ப ஓய்வூ தியம் படிவத்தில் மனைவி என்று நதாகுமாரி பெயரைத்தான் குறிப்பிட் டுள்ளார். சூரியகுமாரி பெயரை எங்கும் குறிப்பிடவில்லை.
எனவே முழு குடும்ப ஓய்வூதியத் தையும் நதாகுமாரிக்கு வழங்கப்படு கிறது. மேலும், ஹேமாத்திரி தன் மீது ஒழுங்கு நடவடிக்கை அரசு எடுத்து விடக்கூடாது என்பதற்காக சூரிய குமாரியை 3 ஆவது திருமணம் செய் துள்ளதை ரகசியமாக வைத்துள்ளார். எனவே சூரியகுமாரிக்கு ஓய்வூதியம் வழங்க முடியாது என்று வாதம் செய்தார்.
இந்து திருமணம் சட்டத்தின்படி, இரண்டாவது திருமணம் செல்லாது என்பது எங்களது கருத்தாகும். மேலும் இந்து வாரிசு சட்டத்தின்படி, எம்.ஹேமாத்திரியின் முதல் மனைவி நாதகுமாரியும், அவரது பிள்ளை களும்தான், அனைத்து உரிமைகளை யும் கொண்ட முதல் வாரிசுகள் ஆவார்கள். எனவே மனுதாரர் சூரிய குமாரி, ஹேமாத்திரியின் மனைவியாக ஏற்க முடியாது. அவரது மனுவை தள்ளுபடி செய்கிறோம்.
- இவ்வாறு நீதிபதிகள் உத்தரவில் கூறியுள்ளனர்
.விடுதலை,7.5.13
கருத்துகள் இல்லை:
கருத்துரையிடுக